੧੦. ਤਤਿਯਚੇਤਨਾਸੁਤ੍ਤਵਣ੍ਣਨਾ

੪੦. ਰੂਪਾਦੀਸੁ ਛਸੁ ਆਰਮ੍ਮਣੇਸੁ. ਤੇਨ ਚੇਤ੍ਥ ਭਵਤ੍ਤਯਂ ਸਙ੍ਗਣ੍ਹਾਤਿ ਛਲ਼ਾਰਮ੍ਮਣਪਰਿਯਾਪਨ੍ਨਤ੍ਤਾ. ਤਸ੍ਸੇਵ ਭਵਤ੍ਤਯਸ੍ਸ ਪਤ੍ਥਨਾ ਪਣਿਧਾਨਾਦਿਵਸੇਨ ਨਤਿ ਨਾਮ. ਆਗਤਿਮ੍ਹਿ ਗਤੀਤਿ ਪਚ੍ਚੁਪਟ੍ਠਾਨਵਸੇਨ ਅਭਿਮੁਖਂ ਗਤਿ ਪਵਤ੍ਤਿ ਏਤਸ੍ਮਾਤਿ ਆਗਤਿ, ਕਮ੍ਮਾਦਿਨਿਮਿਤ੍ਤਂ. ਤਸ੍ਮਿਂ ਪਟਿਸਨ੍ਧਿਵਿਞ੍ਞਾਣਸ੍ਸ ਗਤਿ ਪਵਤ੍ਤਿ ਨਿਬ੍ਬਤ੍ਤਿ ਹੋਤਿ. ਤੇਨਾਹ ‘‘ਆਗਤੇ’’ਤਿਆਦਿ. ਚੁਤੂਪਪਾਤੋਤਿ ਚਵਨਂ ਚੁਤਿ, ਮਰਣਂ. ਉਪਪਜ੍ਜਨਂ ਨਿਬ੍ਬਤ੍ਤਿ, ਉਪਪਾਤੋ. ਚੁਤਿਤੋ ਉਪਪਾਤੋ ਪੁਨਰੁਪ੍ਪਾਦੋ. ਤੇਨਾਹ ‘‘ਏਵਂ ਵਿਞ੍ਞਾਣਸ੍ਸਾ’’ਤਿਆਦਿ. ਇਤੋਤਿ ਨਿਬ੍ਬਤ੍ਤਭਵਤੋ. ਤਤ੍ਥਾਤਿ ਪੁਨਬ੍ਭਵਸਙ੍ਖਾਤੇ ਆਯਤਿਭਵੇ. ਏਕੋਵ ਸਨ੍ਧੀਤਿ ਏਕੋ ਹੇਤੁਫਲਸਨ੍ਧਿ ਏਵ ਕਥਿਤੋ.

ਤਤਿਯਚੇਤਨਾਸੁਤ੍ਤਵਣ੍ਣਨਾ ਨਿਟ੍ਠਿਤਾ.

ਕਲ਼ਾਰਖਤ੍ਤਿਯਵਗ੍ਗਵਣ੍ਣਨਾ ਨਿਟ੍ਠਿਤਾ.