੩. ਅਸੁਰਿਨ੍ਦਕਸੁਤ੍ਤਵਣ੍ਣਨਾ

੧੮੯. ਤੇਨੇਵਾਤਿ ਭਾਤੁਪਬ੍ਬਜਿਤੇਨੇਵ. ਅਸ੍ਸੇਵਾਤਿ ਤਿਤਿਕ੍ਖਸ੍ਸ. ‘‘ਤਂ ਜਯਂ ਹੋਤੀ’’ਤਿ ਲਿਙ੍ਗਵਿਪਲ੍ਲਾਸਵਸੇਨ ਵੁਤ੍ਤਨ੍ਤਿ ਆਹ ‘‘ਸੋ ਜਯੋ ਹੋਤੀ’’ਤਿ, ਦੁਜ੍ਜਯਂ ਕੋਧਂ ਤਿਤਿਕ੍ਖਾਯ ਜਿਨਨ੍ਤਸ੍ਸਾਤਿ ਅਧਿਪ੍ਪਾਯੋ. ਯਸ੍ਮਾ ਤਿਤਿਕ੍ਖਾਦਯੋ ਨ ਕੋਧਵਸਿਕਂ ਧੁਰਂ, ਤਂ ਪਨ ਬਾਲਾਨਂ ਮਞ੍ਞਨਾਮਤ੍ਤਨ੍ਤਿ ਇਧ ਇਮਮਤ੍ਥਂ ਵਿਭਾਵੇਤੁਂ ‘‘ਕਤਮਸ੍ਸਾ’’ਤਿਆਦਿ ਵੁਤ੍ਤਂ. ਵਿਜਾਨਤੋਵ ਜਯੋ ਨ ਅਵਿਜਾਨਤੋ ਤਿਤਿਕ੍ਖਾਯ ਅਭਾਵਤੋ. ਨ ਹਿ ਅਵਿਜਾਨਨ੍ਤੋ ਅਨ੍ਧਬਾਲੋ ਕੋਧਂ ਵਿਜੇਤੁਂ ਸਕ੍ਕੋਤਿ. ਕੇਵਲਂ ਜਯਂ ਮਞ੍ਞਤਿ ਕਿਲੇਸੇਹਿ ਪਰਾਜਿਤੋ ਸਮਾਨੋਪੀਤਿ ਅਧਿਪ੍ਪਾਯੋ.

ਅਸੁਰਿਨ੍ਦਕਸੁਤ੍ਤਵਣ੍ਣਨਾ ਨਿਟ੍ਠਿਤਾ.