੧. ਸਮ੍ਬਹੁਲਸੁਤ੍ਤਵਣ੍ਣਨਾ

੧੫੭. ਜਟਾਚੁਮ੍ਬਟਕੇਨਾਤਿ ਸੀਸੇ ਪਟਿਮੁਕ੍ਕੇਨ ਜਟਾਕਲਾਪੇਨ. ਅਪਰਿਗ੍ਗਹਬ੍ਰਾਹ੍ਮਣਪਬ੍ਬਜਿਤਾ ਹਿ ਜਟਾਯ ਉਞ੍ਛਾਚਰਿਯਂ ਚਰਨ੍ਤਿ. ਉਦੁਮ੍ਬਰਦਣ੍ਡਞ੍ਹਿ ਅਤ੍ਤਗੁਤ੍ਤਤ੍ਥਾਯ ਗਹਿਤਂ ਤੇਸਂ ਅਪ੍ਪਿਚ੍ਛਭਾਵਪ੍ਪਕਾਸਨਂ. ਤੇਨਾਹ ‘‘ਅਪ੍ਪਿਚ੍ਛਭਾਵਪ੍ਪਕਾਸਨਤ੍ਥ’’ਨ੍ਤਿ. ਸੀਸਂ ਓਕਮ੍ਪੇਤ੍ਵਾਤਿ ਏਤ੍ਥ ਅਤਿਵਿਯ ਸੀਸਸ੍ਸ ਓਕਮ੍ਪਿਤਭਾਵਂ ਦਸ੍ਸੇਤੁਂ ‘‘ਹਨੁਕੇਨ ਉਰਂ ਪਹਰਨ੍ਤੋ ਅਧੋਨਤਂ ਕਤ੍ਵਾ’’ਤਿ ਵੁਤ੍ਤਂ. ਜਿਵ੍ਹਂ ਨੀਹਰਿਤ੍ਵਾਤਿ ਲਮ੍ਬਨਚਾਲਨਵਸੇਨ ਮੁਖਤੋ ਨਿਕ੍ਖਾਮੇਤ੍ਵਾ. ਤੇਨਾਹ ‘‘ਉਦ੍ਧ’’ਨ੍ਤਿਆਦਿ. ਤਿਸਾਖਨ੍ਤਿ ਤਿਭਙ੍ਗਭਕੁਟਿ ਵਿਯ ਨਲਾਟੇ ਜਾਤਤ੍ਤਾ ਨਲਾਟਿਕਂ. ਤੇਨਾਹ ‘‘ਨਲਾਟੇ ਉਟ੍ਠਿਤਂ ਵਲਿਤ੍ਤਯ’’ਨ੍ਤਿ, ਤਿਭਙ੍ਗਵਲਿਕਂ ਨਲਾਟੇ ਕਤ੍ਵਾਤਿ ਅਤ੍ਥੋ. ਅਤ੍ਤਨੋਵ ਤੇਲੇਤਿ ਅਤ੍ਤਨੋਵ ਪਾਪਕਮ੍ਮਨਿਬ੍ਬਤ੍ਤਕੇ ਤੇਲੇ, ਪਚਿਤਬ੍ਬਟ੍ਠਾਨਗੇਹੇਤਿ ਅਧਿਪ੍ਪਾਯੋ.

ਸਮ੍ਬਹੁਲਸੁਤ੍ਤਵਣ੍ਣਨਾ ਨਿਟ੍ਠਿਤਾ.