੩. ਸਕਲਿਕਸੁਤ੍ਤਵਣ੍ਣਨਾ

੧੪੯. ਮਨ੍ਦਭਾਵੇਨਾਤਿ ਜਲ਼ਭਾਵੇਨ ਮੋਮੂਹਭਾਵੇਨਾਤਿ ਮਹਾਮੂਲ਼੍ਹਤਾਯ. ਕਬ੍ਬਕਰਣੇਨ ਮਤ੍ਤੋਤਿ ਕਬ੍ਬਕਿਰਿਯਾਪਸੁਤਤਾਦਿਵਸੇਨ ਮਤ੍ਤੋ ਕਬ੍ਬਂ ਕਤ੍ਵਾ. ਕਿਮਿਦਂ ਸੋਪ੍ਪਸੇਵਾਤਿ ਇਦਂ ਤਵ ਸੋਪ੍ਪਂ ਕਿਮਤ੍ਥਂ, ਪੁਰਿਸੇਨ ਨਾਮ ਪੁਰਿਸਤ੍ਤਕਰੇਨ ਭਵਿਤਬ੍ਬਂ, ਨ ਸੋਪ੍ਪਤਿਯੇਵ. ਅਤ੍ਥਂ ਸਮਾਗਨ੍ਤ੍ਵਾਤਿ ਪਰਮਤ੍ਥਂ ਨਿਬ੍ਬਾਨਂ ਸਮ੍ਮਾ ਆਗਨ੍ਤ੍ਵਾ ਅਧਿਗਨ੍ਤ੍ਵਾ. ਅਸਙ੍ਗ…ਪੇ… ਨਤ੍ਥਿ ਸਬ੍ਬਸੋ ਸਿਦ੍ਧਤ੍ਥਭਾਵਤੋ. ਜਗ੍ਗਨ੍ਤੋਤਿ ਜਾਗਰਨ੍ਤੋ ਪੁਰਿਸੋ ਵਿਯ, ਨ ਭਾਯਾਮਿ ਭਯਹੇਤੂਨਂ ਅਭਾਵਾ. ਨਾਨੁਤਪਨ੍ਤਿ ਸਬ੍ਬਤ੍ਥ ਸਬ੍ਬਦਾਪਿ ਵਿਸ੍ਸਟ੍ਠਭਾਵਤੋ, ਮਾਮਨ੍ਤਿ ਮਮਂ. ਗਾਥਾਸੁਖਤ੍ਥਞ੍ਹਿ ਦੀਘਂ ਕਤ੍ਵਾ ਵੁਤ੍ਤਂ. ਠਿਤਤ੍ਤਾਤਿ ਉਦ੍ਦੇਸਪਰਿਪੁਚ੍ਛਾਯ ਪਰਿਚ੍ਛਿਜ੍ਜਤ੍ਤਾ. ਹਾਨਿਨ੍ਤਿ ਕਸ੍ਸਚਿ ਜਾਨਿਂ.

ਸਕਲਿਕਸੁਤ੍ਤਵਣ੍ਣਨਾ ਨਿਟ੍ਠਿਤਾ.