੪. ਪਠਮਸਙ੍ਗਾਮਸੁਤ੍ਤਵਣ੍ਣਨਾ

੧੨੫. ਵੇਦੇਨ ਞਾਣੇਨ ਈਹਤਿ ਇਰਿਯਤੀਤਿ ਵੇਦੇਹੀ, ਕੋਸਲਰਾਜਭਗਿਨੀ ਅਜਾਤਸਤ੍ਤੁਨੋ ਮਾਤਾ, ਸਾ ਕਿਰ ਸਮ੍ਪਜਞ੍ਞਜਾਤਿਕਾ. ਤੇਨਾਹ ‘‘ਪਣ੍ਡਿਤਾਧਿਵਚਨ’’ਨ੍ਤਿ, ਚਤ੍ਤਾਰਿ ਅਙ੍ਗਾਨਿ ਏਤਿਸ੍ਸਨ੍ਤਿ ਚਤੁਰਙ੍ਗਿਨੀ. ਦ੍ਵਿਨ੍ਨਂ ਰਜ੍ਜਾਨਨ੍ਤਿ ਕਾਸਿਕਰਜ੍ਜਮਗਧਰਜ੍ਜਾਨਂ ਅਨ੍ਤਰੇ, ਸੋ ਪਨ ਗਾਮੋ ਕਾਸਿਕਰਜ੍ਜੋ.

ਪਾਪਾਤਿ ਲਾਮਕਾ ਨਿਹੀਨਾਚਾਰਾ. ਮੇਜ੍ਜਤਿ ਸਿਨਿਯ੍ਹਤੀਤਿ ਮੇਤ੍ਤਿ, ਸਾ ਏਤੇਸੁ ਅਤ੍ਥੀਤਿ ਮਿਤ੍ਤਾ. ਸਹ ਅਯਨ੍ਤਿ ਪਵਤ੍ਤਨ੍ਤੀਤਿ ਸਹਾਯਾ. ਸਮ੍ਪਵਙ੍ਕਨ੍ਤਿ ਸੁਟ੍ਠੁ ਓਨਤਂ. ਜਯਕਾਰਣਂ ਦਿਸ੍ਵਾ ਆਹ, ਤਥਾ ਹਿ ‘‘ਅਜ੍ਜ ਇਮਂ ਰਤ੍ਤਿਂ ਦੁਕ੍ਖਂ ਸੇਤੀ’’ਤਿ ਕਾਲਪਰਿਚ੍ਛੇਦਵਸੇਨ ਵੁਤ੍ਤਂ. ਵੇਰਿਘਾਤੋ ਨਾਮ ਵੇਰਿਪੁਗ੍ਗਲੇ ਸਤੀਤਿ ਆਹ ‘‘ਵੇਰਿਪੁਗ੍ਗਲਂ ਲਭਤੀ’’ਤਿ.

ਪਠਮਸਙ੍ਗਾਮਸੁਤ੍ਤਵਣ੍ਣਨਾ ਨਿਟ੍ਠਿਤਾ.