੫. ਦੁਤਿਯਸਙ੍ਗਾਮਸੁਤ੍ਤਵਣ੍ਣਨਾ

੧੨੬. ਸੁਣਾਥਾਤਿ ‘‘ਵਤ੍ਵਾ’’ਤਿ ਵਚਨਸੇਸੋ. ਉਪਕਪ੍ਪਤੀਤਿ ਸਮ੍ਭਵਤਿ. ਸਯ੍ਹਂ ਹੋਤੀਤਿ ਕਾਤੁਂ ਸਕ੍ਕਾ ਹੋਤਿ. ‘‘ਯਦਾ ਚਞ੍ਞੇ’’ਤਿ ਚ-ਕਾਰੋ ਨਿਪਾਤਮਤ੍ਤਨ੍ਤਿ ਆਹ ‘‘ਯਦਾ ਅਞ੍ਞੇ’’ਤਿ. ਵਿਲੁਮ੍ਪਨ੍ਤੀਤਿ ਵਿਨਾਸਂ ਅਚ੍ਛਿਨ੍ਦਨਂ ਕਰੋਨ੍ਤਿ. ਵਿਲੁਮ੍ਪੀਯਤੀਤਿ ਵਿਲੁਤ੍ਤਪਰਸਨ੍ਤਕਸ੍ਸ ਅਸਕਤ੍ਤਾ ਪੁਗ੍ਗਲੋ ਦਿਟ੍ਠਧਮ੍ਮਿਕਂ ਕਮ੍ਮਫਲਂ ਪਟਿਸਂਵੇਦੇਨ੍ਤੋ ਵਿਯ ਸਯਮ੍ਪਿ ਪਰੇਨ ਵਿਲੁਮ੍ਪੀਯਤਿ, ਧਨਜਾਨਿਂ ਪਾਪੁਣਾਤਿ. ‘‘ਕਾਰਣ’’ਨ੍ਤਿ ਹਿ ਮਞ੍ਞਤੀਤਿ ਪਾਪਕਿਰਿਯਂ ਅਤ੍ਤਨੋ ਹਿਤਾਵਹਂ ਕਾਰਣਂ ਕਤ੍ਵਾ ਮਞ੍ਞਤਿ. ਜਯਨ੍ਤੋ ਪੁਗ੍ਗਲੋ ‘‘ਇਦਂ ਨਾਮ ਜਿਨਾਮੀ’’ਤਿ ਮਞ੍ਞਮਾਨੋ ਸਯਮ੍ਪਿ ਤਤੋ ਪਰਾਜਯਂ ਪਾਪੁਣਾਤਿ. ਘਟ੍ਟੇਤਾਰਨ੍ਤਿ ਪਾਪਕਮ੍ਮਵਿਪਾਕਂ. ਕਮ੍ਮਵਿਵਟ੍ਟੇਨਾਤਿ ਕਮ੍ਮਸ੍ਸ ਵਿਵਟ੍ਟਨੇਨ, ਪਚ੍ਚਯਲਾਭੇਨ ਲਦ੍ਧਾਵਸਰੇਨ ਵਿਵਟ੍ਟੇਤ੍ਵਾ ਵਿਗਮਿਤੇਨ ਕਮ੍ਮੇਨਾਤਿ ਅਤ੍ਥੋ.

ਦੁਤਿਯਸਙ੍ਗਾਮਸੁਤ੍ਤਵਣ੍ਣਨਾ ਨਿਟ੍ਠਿਤਾ.