੯. ਚਨ੍ਦਿਮਸੁਤ੍ਤਵਣ੍ਣਨਾ

੯੦. ਵਿਮਾਨੇ ਗਹਿਤੇ ਤਂਨਿਵਾਸੀਪਿ ਗਹਿਤੋ ਹੋਤੀਤਿ ਵੁਤ੍ਤਂ ‘‘ਚਨ੍ਦਵਿਮਾਨਵਾਸੀ ਦੇਵਪੁਤ੍ਤੋ’’ਤਿ. ਸਬ੍ਬਧੀਤਿ ਸਬ੍ਬਸ੍ਮਾ ਦੁਗ੍ਗਟ੍ਠਾਨਾ ਵਿਪ੍ਪਮੁਤ੍ਤੋਸਿ ਭਗਵਾ ਤ੍ਵਂ, ਤਸ੍ਮਾ ਮਯ੍ਹਮ੍ਪਿ ਇਤੋ ਸਮ੍ਬਾਧਟ੍ਠਾਨਤੋ ਵਿਪ੍ਪਮੋਕ੍ਖਂ ਕਰੋਹੀਤਿ ਅਧਿਪ੍ਪਾਯੋ. ਤੇਨਾਹ ‘‘ਤਸ੍ਸ ਮੇ ਸਰਣਂ ਭਵਾ’’ਤਿ. ਲੋਕਾਨੁਕਮ੍ਪਕਾਤਿ ਸਬ੍ਬਸ੍ਸ ਲੋਕਸ੍ਸ ਅਨੁਗ੍ਗਹਾ, ਤਸ੍ਮਾ ਤੁਯ੍ਹਮ੍ਪਿ ਏਤਸ੍ਸਪਿ ਚਨ੍ਦਸ੍ਸ. ਤਾਦਿਸਾ ਏਵਾਤਿ ਸਮਾਨਾ ਏਵ. ਪਮੁਞ੍ਚਸੀਤਿ ਪਮੁਞ੍ਚਿਤ੍ਥ. ਤੇਨਾਹ ‘‘ਅਤੀਤਤ੍ਥੇ ਵਤ੍ਤਮਾਨਵਚਨ’’ਨ੍ਤਿ.

ਚਨ੍ਦਿਮਸੁਤ੍ਤਵਣ੍ਣਨਾ ਨਿਟ੍ਠਿਤਾ.