੪. ਖਤ੍ਤਿਯਸੁਤ੍ਤਵਣ੍ਣਨਾ

੧੪. ਖੇਤ੍ਤਤੋ ਵਿਵਾਦਾ ਸਤ੍ਤੇ ਤਾਯਤੀਤਿ ਖਤ੍ਤਿਯੋ. ਵਦਤਿ ਦੇਵਤਾ ਅਤ੍ਤਨੋ ਅਜ੍ਝਾਸਯਵਸੇਨ. ਦ੍ਵਿਪਦਾਦੀਨਨ੍ਤਿ ਆਦਿ-ਸਦ੍ਦੇਨ ਚਤੁਪ੍ਪਦਭਰਿਯਪੁਤ੍ਤਾ ਗਹਿਤਾ. ਬੁਦ੍ਧਾਦਯੋਤਿ ਆਦਿ-ਸਦ੍ਦੇਨ ਆਜਾਨੀਯਸੁਸ੍ਸੂਸਭਰਿਯਸ੍ਸਵਪੁਤ੍ਤਾ. ਦ੍ਵਿਪਦਾਨਂ ਸੇਟ੍ਠੋਤਿ ਏਤ੍ਥ ਦ੍ਵਿਪਦਾਨਂ ਏਵ ਸੇਟ੍ਠੋਤਿ ਨਾਯਂ ਨਿਯਮੋ ਇਚ੍ਛਿਤੋ, ਸੇਟ੍ਠੋ ਏਵਾਤਿ ਪਨ ਇਚ੍ਛਿਤੋ, ਤਸ੍ਮਾ ਸਮ੍ਬੁਦ੍ਧੋ ਦ੍ਵਿਪਦੇਸੁ ਅਞ੍ਞੇਸੁ ਤਤ੍ਥ ਚ ਉਪ੍ਪਜ੍ਜਨਤੋ ਸੇਟ੍ਠੋ ਏਵ ਸਬ੍ਬੇਸਮ੍ਪਿ ਉਤ੍ਤਰਿਤਰਸ੍ਸ ਅਭਾਵਤੋਤਿ ਅਯਮੇਤ੍ਥ ਅਤ੍ਥੋ. ਤੇਨਾਹ ‘‘ਉਪ੍ਪਜ੍ਜਮਾਨੋ ਪਨੇਸਾ’’ਤਿਆਦਿ. ਕਾਰਣਾਕਾਰਣਂ ਆਜਾਨਾਤੀਤਿ ਆਜਾਨੀਯੋ. ਗਣ੍ਹਾਪੇਥਾਤਿ ਯਥਾ ਉਦਕੋ ਨ ਤੇਮਿਸ੍ਸਤਿ, ਏਵਂ ਵਾਲ਼ਂ ਗਣ੍ਹਾਪੇਥ. ‘‘ਅਸੁਸ੍ਸੂਸਾ’’ਤਿ ਕੇਚਿ ਪਠਨ੍ਤਿ. ਆਸੁਣਮਾਨੋਤਿ ਸਪ੍ਪਟਿਸ੍ਸਵੋ ਹੁਤ੍ਵਾ ਵਚਨਸਮ੍ਪਟਿਚ੍ਛਕੋ.

ਖਤ੍ਤਿਯਸੁਤ੍ਤਵਣ੍ਣਨਾ ਨਿਟ੍ਠਿਤਾ.