੧੬੯. ਹਤ੍ਥਿਮਂਸਾਦਿਪਟਿਕ੍ਖੇਪਕਥਾ

੨੮੧. ਅਰਞ੍ਞਕੋਕਾ ਨਾਮਾਤਿ ਸਸਬਿਲ਼ਾਲਾਦਯੋ ਸਤ੍ਤੇ ਖਾਦਨਤ੍ਥਾਯ ਕੁਕਤਿ ਆਦਦਾਤੀਤਿ ਕੋਕੋ ਅਰਞ੍ਞੇ ਜਾਤੋ ਕੋਕੋ ਅਰਞ੍ਞਕੋਕੋ, ਸੁਨਖਸਦਿਸਾਤਿ ਗਾਮਸੁਨਖੇਨ ਸਦਿਸਾ. ਤੇਸਨ੍ਤਿ ਅਰਞ੍ਞਕੋਕਾਨਂ. ਯੋ ਪਨਾਤਿ ਸੁਨਖੋ ਪਨ, ਉਪ੍ਪਨ੍ਨੋਤਿ ਸਮ੍ਬਨ੍ਧੋ. ਗਾਮਸੁਨਖਿਯਾਤਿ ਸਾਮ੍ਯਤ੍ਥੇ ਸਾਮਿਵਚਨਂ. ਕੋਕੇਨਾਤਿ ਸਹਾਦਿਯੋਗੇ ਕਰਣਵਚਨਂ. ਤਾਨਿ ਪਦਾਨਿ ‘‘ਸਂਯੋਗੇਨਾ’’ਤਿ ਪਦੇਨ ਯੋਜੇਤਬ੍ਬਾਨਿ. ਤਸ੍ਸਾਤਿ ਸੁਨਖਸ੍ਸ.

ਏਤ੍ਥਾਤਿ ਮਨੁਸ੍ਸਮਂਸਾਦੀਸੁ. ਸਜਾਤਿਕਤਾਯਾਤਿ ਸਮਾਨਜਾਤਿਕਭਾਵਤੋ. ਅਨੁਪਦ੍ਦਵਤ੍ਥਾਯਾਤਿ ਅਨੁਪਦ੍ਦਵਤ੍ਥਂ, ਪਟਿਕ੍ਖਿਤ੍ਤਾਨੀਤਿ ਸਮ੍ਬਨ੍ਧੋ. ਆਪਤ੍ਤੀਤਿ ਮਨੁਸ੍ਸਮਂਸੇ ਥੁਲ੍ਲਚ੍ਚਯੇਨ, ਸੇਸੇ ਦੁਕ੍ਕਟੇਨ ਆਪਤ੍ਤਿ. ਉਦ੍ਦਿਸ੍ਸ ਕਤਂ ਪਨਾਤਿ ਭਿਕ੍ਖੁਂ ਉਦ੍ਦਿਸ੍ਸ ਕਤਮਂਸਂ ਪਨ.