੨੪. ਉਪਸਮ੍ਪਾਦੇਤਬ੍ਬਛਕ੍ਕਕਥਾ

੮੫. ਤਨ੍ਤਿ ਊਨਦਸਵਸ੍ਸਪਦਂ. ਸਬ੍ਬਤ੍ਥਾਤਿ ਸਬ੍ਬੇਸੁ ਛਕ੍ਕੇਸੁ. ਤਤ੍ਥਾਤਿ ਛਕ੍ਕੇਸੁ. ‘‘ਪਾਤਿਮੋਕ੍ਖਾਨਿ ਵਿਤ੍ਥਾਰੇਨਾ’’ਤਿ ਵੁਤ੍ਤਤ੍ਤਾ ਵਿਭਙ੍ਗਵਸੇਨ ਗਹੇਤਬ੍ਬਾਨੀਤਿ ਆਹ ‘‘ਉਭਤੋਵਿਭਙ੍ਗਵਸੇਨ ਵੁਤ੍ਤਾਨੀ’’ਤਿ. ਮਾਤਿਕਾਵਿਭਙ੍ਗਵਸੇਨ ਸੁਟ੍ਠੁ ਵਿਭਜਿਤਬ੍ਬਾਨੀਤਿ ਸੁਵਿਭਤ੍ਤਾਨਿ, ਵਾਚੁਗ੍ਗਤਵਸੇਨ ਸੁਨ੍ਦਰਾ ਪਵਤ੍ਤਿ ਏਤੇਸਨ੍ਤਿ ਸੁਪ੍ਪਵਤ੍ਤੀਨਿ, ਸੁਤ੍ਤਤੋ ਅਨੁਬ੍ਯਞ੍ਜਨਤੋ ਸੁਟ੍ਠੁ ਵਿਨਿਚ੍ਛਿਤਬ੍ਬਾਨੀਤਿ ਸੁਵਿਨਿਚ੍ਛਿਤਬ੍ਬਾਨੀਤਿ ਅਤ੍ਥਂ ਦਸ੍ਸੇਨ੍ਤੋ ਆਹ ‘‘ਮਾਤਿਕਾਵਿਭਙ੍ਗਵਸੇਨਾ’’ਤਿਆਦਿ.