੧੭. ਆਪੁਚ੍ਛਕਰਣਨਿਦ੍ਦੇਸਵਣ੍ਣਨਾ
੧੬੧. ਥੇਰੇਨਾਤਿ ਸਙ੍ਘਤ੍ਥੇਰੇਨ.
੧੬੨. ਤਤ੍ਥ ਤਤ੍ਥ ਸਨ੍ਨਿਪਤਿਤਾਨਂ ਸਬ੍ਬੇਸਂ ਵੁਡ੍ਢੋ ਵੁਡ੍ਢਤਰੋ, ਤਸ੍ਮਿਂ ਵੁਡ੍ਢਤਰਾਗਮੇ ਪੁਨ ਆਪੁਚ੍ਛਨਂ ਨਤ੍ਥਿ. ਭਤ੍ਤਗ੍ਗੇ ਚਾਨੁਮੋਦਤੋਤਿ ਏਤ੍ਥ ਦਾਨਪਤਿਨਾ ਯਾਚਿਤੇਨ ਦਹਰੇਨ ਵੁਡ੍ਢੇਨ ਅਨਾਪੁਚ੍ਛਿਤ੍ਵਾ ਕਥੇਤੁਂ ਵਟ੍ਟਤੀਤਿ ਵਦਨ੍ਤਿ.
੧੬੩. ਏਕਵਿਹਾਰਕੇਤਿ ਏਕੋਵਰਕੇ ਵੁਡ੍ਢੇਨ ਵਸਨ੍ਤੋ ਅਨਾਪੁਚ੍ਛਾ ਨ ਸਜ੍ਝਾਯੇਯ੍ਯਾਤਿ ਅਤ੍ਥੋ. ਉਦ੍ਦੇਸਂ ਪਰਿਪੁਚ੍ਛਞ੍ਚ ਨੋ ਦਦੇਤਿ ਉਦ੍ਦੇਸਂ ਵਾ ਪਰਿਪੁਚ੍ਛਂ ਵਾ ਨੋ ਦਦੇਯ੍ਯ.
੧੬੪. ਨ ਵਿਵਰੇਯ੍ਯ ਨ ਥਕੇਯ੍ਯ ਚਾਤਿ ਸਮ੍ਬਨ੍ਧੋ. ਦ੍ਵਾਰਂ ਨਾਮ ਮਹਾਵਲ਼ਞ੍ਜਂ, ਤਤ੍ਥ ਆਪੁਚ੍ਛਨਕਿਚ੍ਚਂ ਨਤ੍ਥਿ.
੧੬੫. ਵੁਡ੍ਢੇਨ ਚਙ੍ਕਮੇ ਚਙ੍ਕਮਨ੍ਤੋਪਿ ਯੇਨ ਵੁਡ੍ਢੋ, ਤੇਨ ਪਰਿਵਤ੍ਤਯੇਤਿ ਸਮ੍ਬਨ੍ਧੋ. ਆਪੁਚ੍ਛਕਰਣਵਿਨਿਚ੍ਛਯੋ.
ਆਪੁਚ੍ਛਕਰਣਨਿਦ੍ਦੇਸਵਣ੍ਣਨਾ ਨਿਟ੍ਠਿਤਾ.