੩੨. ਨਿਸ੍ਸਯਨਿਦ੍ਦੇਸੋ

ਨਿਸ੍ਸਯੋਤਿ –

੨੩੦. ਬ੍ਯਤ੍ਤਸ੍ਸ ਪਞ੍ਚਵਸ੍ਸਸ੍ਸ, ਨਤ੍ਥਿ ਨਿਸ੍ਸਯ ਕਾਰਿਯਂ;

ਯਾਵਜੀਵਮ੍ਪਿ ਅਬ੍ਯਤ੍ਤੋ, ਨਿਸ੍ਸਿਤੋਯੇਵ ਜੀਵਤਿ.

੨੩੧. ਏਕਂਸਂ ਚੀਵਰਂ ਕਤ੍ਵਾ, ਪਗ੍ਗਣ੍ਹਿਤ੍ਵਾਨ ਅਞ੍ਜਲਿਂ;

ਉਕ੍ਕੁਟਿਕਂ ਨਿਸੀਦਿਤ੍ਵਾ, ਵਦੇ ਯਾਵਤਤੀਯਕਂ;

‘‘ਆਚਰਿਯੋ ਮੇ, ਭਨ੍ਤੇ, ਹੋਹਿ,

ਆਯਸ੍ਮਤੋ ਨਿਸ੍ਸਾਯ ਵਚ੍ਛਾਮੀ’’ਤਿ.

੨੩੨. ਪਕ੍ਕਨ੍ਤੇ ਪਕ੍ਖਸਙ੍ਕਨ੍ਤੇ, ਵਿਬ੍ਭਨ੍ਤੇ ਵਾਪਿ ਨਿਸ੍ਸਯੋ;

ਮਰਣਾਣਤ੍ਤੁਪਜ੍ਝਾਯ-ਸਮੋਧਾਨੇਹਿ ਸਮ੍ਮਤਿ.

੨੩੩. ਨਿਸ੍ਸਾਯ ਨ ਵਸੇਲਜ੍ਜਿਂ, ਅਪੁਬ੍ਬਂ ਠਾਨਮਾਗਤੋ;

ਆਗਮੇ ਚਤੁਪਞ੍ਚਾਹਂ, ਞਾਤੁਂ ਭਿਕ੍ਖੁਸਭਾਗਤਂ.

੨੩੪. ਅਦ੍ਧਿਕਸ੍ਸ ਗਿਲਾਨਸ੍ਸ, ਗਿਲਾਨੁਪਟ੍ਠਕਸ੍ਸ ਚ;

ਯਾਚਿਤਸ੍ਸ ਅਰਞ੍ਞੇ ਵਾ, ਸਲ੍ਲਕ੍ਖਨ੍ਤੇਨ ਫਾਸੁਕਂ;

ਸਭਾਗੇ ਦਾਯਕੇਸਨ੍ਤੇ, ਵਸਿਤੁਂ ਤਾਵ ਲਬ੍ਭਤੀਤਿ.