੨੪. ਅਞ੍ਜਨੀਨਿਦ੍ਦੇਸੋ
ਅਞ੍ਜਨੀਤਿ –
੧੮੨. ਵਟ੍ਟਾਟ੍ਠਸੋਲ਼ਸਂਸਾ ਵਾ, ਮਟ੍ਠਾ ਵਟ੍ਟਤਿ ਅਞ੍ਜਨੀ;
ਤਿਸ੍ਸੋਪਿ ਮੂਲੇ ਗੀਵਾਯਂ, ਲੇਖਾ ਏਕਾਵ ਬਨ੍ਧਿਤੁਂ.
੧੮੩. ਯਂ ਕਿਞ੍ਚਿ ਰੂਪਂ ਮਾਲਾਦਿਕਮ੍ਮਂ ਮਕਰਦਨ੍ਤਕਂ;
ਗੋਮੁਤ੍ਤਕਡ੍ਢਚਨ੍ਦਾਦਿ-ਵਿਕਾਰਂ ਨੇਤ੍ਥ ਵਟ੍ਟਤਿ.
੧੮੪. ਲਬ੍ਭੇਕਵਣ੍ਣਸੁਤ੍ਤੇਨ, ਸਿਬ੍ਬਿਤੁਂ ਥਵਿਕਾ ਤਥਾ;
ਸਿਪਾਟਿ ਕੁਞ੍ਚਿਕਾਕੋਸੋ, ਸਲਾਕਾਪਿ ਅਚਿਤ੍ਤਕਾ.
੧੮੫. ਸਙ੍ਖਨਾਭਿਵਿਸਾਣਟ੍ਠਿ-ਨਲ਼ਦਨ੍ਤਮਯਾ ਤਥਾ;
ਫਲਕਟ੍ਠਮਯਾ ਵੇਲ਼ੁ-ਲਾਖਾਲੋਹਮਯਾਪਿ ਚ.
੧੮੬. ਅਞ੍ਜਨਿਯੋ ਸਲਾਕਾਯੋ, ਧੂਮਨੇਤ੍ਤਾ ਚ ਲਬ੍ਭਰੇ;
ਤਥਾ ਸਤ੍ਥਕਦਣ੍ਡਾਨਿ, ਨਤ੍ਥੁਦਾਨਾ ਚ ਤਮ੍ਮਯਾਤਿ.