੨੫. ਅਕਪ੍ਪਿਯਸਯਨਨਿਦ੍ਦੇਸੋ

ਅਕਪ੍ਪਿਯਸਯਨਾਨੀਤਿ –

੧੮੭. ਆਸਨ੍ਦੀ ਤੂਲੀ ਪਲ੍ਲਙ੍ਕੋ, ਪਟਿਕਂ ਗੋਨਚਿਤ੍ਤਕਂ;

ਪਟਲੀ ਵਿਕਤੀ ਉਦ੍ਦ-ਲੋਮੀ ਏਕਨ੍ਤਲੋਮਿਕਾ.

੧੮੮. ਕੁਤ੍ਤਂ ਕੋਸੇਯ੍ਯਂ ਕਟ੍ਟਿਸ੍ਸਂ, ਹਤ੍ਥਿਅਸ੍ਸਰਥਤ੍ਥਰਾ;

ਜਿਨਪ੍ਪਵੇਣਿਕਦਲੀ-ਮਿਗਪ੍ਪਵਰਅਤ੍ਥਰਾ.

੧੮੯. ਸਲੋਹਿਤਵਿਤਾਨਞ੍ਚੁ-ਭਤੋਰਤ੍ਤੂਪਧਾਨਕਂ;

ਅਕਪ੍ਪਿਯਾਨਿ ਏਤਾਨਿ, ਦੁਕ੍ਕਟਂ ਪਰਿਭੁਞ੍ਜਤੋ.

੧੯੦. ਆਸਨ੍ਦਾਦਿਤ੍ਤਯਾ ਸੇਸੇ, ਲਬ੍ਭਤੇ ਗਿਹਿਸਨ੍ਤਕੇ;

ਧਮ੍ਮਾਸਨੇ ਚ ਭਤ੍ਤਗ੍ਗੇ, ਘਰੇ ਚਾਪਿ ਨਿਸੀਦਿਤੁਂ;

ਭੂਮਤ੍ਥਰਣਸਙ੍ਖੇਪੇ, ਸਯਿਤੁਞ੍ਚਾਪਿ ਕਪ੍ਪਤਿ.

੧੯੧. ਚਤੁਰਂਸਪੀਠਾ ਸਤ੍ਤਙ੍ਗਾ, ਪਞ੍ਚਙ੍ਗਾ ਉਚ੍ਚਪਾਦਕਾ;

ਤੂਲੋਨਦ੍ਧਾ ਘਰੇਯੇਵ, ਮਞ੍ਚਪੀਠਾ ਨਿਸੀਦਿਤੁਂ.

੧੯੨. ਚੋਲ਼ਵਾਕੁਣ੍ਣਪਣ੍ਣਾਨਂ, ਤਿਣਾਨਞ੍ਚੇਵ ਪੂਰਿਤਾ;

ਚੀਵਰਚ੍ਛਵਿਯੋ ਪਞ੍ਚ, ਭਿਸੀ ਸਬ੍ਬਤ੍ਥ ਕਪ੍ਪਿਯਾ.

੧੯੩. ਤੂਲਤ੍ਤਯਂ ਭਿਸਿਗਬ੍ਭੋ, ਲੋਮਾਨਿ ਮਿਗਪਕ੍ਖਿਨਂ;

ਬਿਮ੍ਬੋਹਨੇ ਅਨੁਞ੍ਞਾਤਂ, ਤੂਲਵਜ੍ਜਾ ਮਸੂਰਕੇ.

੧੯੪. ਮਨੁਸ੍ਸਲੋਮਮੁਣ੍ਣਾਯਂ, ਪਣ੍ਣੇ ਪੁਪ੍ਫਂ ਤਮਾਲਕਂ;

ਸੁਦ੍ਧਂ ਨ ਆਸਨਞ੍ਚੇਵ, ਲਬ੍ਭਮਪ੍ਪਟਿਵੇਕ੍ਖਿਤਨ੍ਤਿ.