੧੦. ਅਨਨੁਞ੍ਞਾਤਸਿਕ੍ਖਾਪਦਵਣ੍ਣਨਾ

ਤੇਸਂ ਅਤ੍ਥਿਭਾਵਂ ਅਜਾਨਨ੍ਤਿਯਾਤਿ (ਪਾਚਿ. ਅਟ੍ਠ. ੧੧੬੩) ਤੇਸਂ ਮਾਤਾਦੀਨਂ ਅਤ੍ਥਿਭਾਵਂ ਅਜਾਨਨ੍ਤਿਯਾ. ਅਨਨੁਞ੍ਞਾਤਸਮੁਟ੍ਠਾਨਨ੍ਤਿ ਯਂ ਵਾਚਤੋ, ਕਾਯਵਾਚਤੋ, ਵਾਚਾਚਿਤ੍ਤਤੋ, ਕਾਯਵਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਤਂ ਅਨਨੁਞ੍ਞਾਤਸਮੁਟ੍ਠਾਨਂ. ਕਥਂ? ਅਬ੍ਭਾਨਕਮ੍ਮਾਦੀਸੁ ਕੇਨਚਿਦੇਵ ਕਰਣੀਯੇਨ ਖਣ੍ਡਸੀਮਾਯਂ ਨਿਸਿਨ੍ਨਾ ‘‘ਪਕ੍ਕੋਸਥ ਸਿਕ੍ਖਮਾਨਂ, ਇਧੇਵ ਨਂ ਉਪਸਮ੍ਪਾਦੇਸ੍ਸਾਮਾ’’ਤਿ ਉਪਸਮ੍ਪਾਦੇਤਿ, ਏਵਂ ਵਾਚਤੋ ਸਮੁਟ੍ਠਾਤਿ. ‘‘ਉਪਸ੍ਸਯਤੋ ਉਟ੍ਠਾਯ ਉਪਸਮ੍ਪਾਦੇਸ੍ਸਾਮੀ’’ਤਿ ਵਤ੍ਵਾ ਖਣ੍ਡਸੀਮਂ ਗਚ੍ਛਨ੍ਤਿਯਾ ਕਾਯਵਾਚਤੋ ਸਮੁਟ੍ਠਾਤਿ. ਦ੍ਵੀਸੁ ਠਾਨੇਸੁ ਪਣ੍ਣਤ੍ਤਿਂ ਜਾਨਿਤ੍ਵਾ ਵੀਤਿਕ੍ਕਮਂ ਕਰੋਨ੍ਤਿਯਾ ਵਾਚਾਚਿਤ੍ਤਤੋ, ਕਾਯਵਾਚਾਚਿਤ੍ਤਤੋ ਚ ਸਮੁਟ੍ਠਾਤਿ. ਅਨਨੁਜਾਨਾਪੇਤ੍ਵਾ ਉਪਸਮ੍ਪਾਦਨਤੋ ਕਿਰਿਯਾਕਿਰਿਯਂ.

ਅਨਨੁਞ੍ਞਾਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.