੭. ਗਬ੍ਭਿਨੀਵਗ੍ਗੋ

੧-੨. ਗਬ੍ਭਿਨੀਆਦਿਸਿਕ੍ਖਾਪਦਵਣ੍ਣਨਾ

ਪਠਮਂ ਉਤ੍ਤਾਨਤ੍ਥਮੇਵ.

ਥਨੇ ਭਵਂ ਥਞ੍ਞਂ, ਖੀਰਂ. ਯਂ ਪਾਯੇਤੀਤਿ ਯਂ ਦਾਰਕਂ ਪਾਯੇਤਿ.

ਗਬ੍ਭਿਨੀਆਦਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੩. ਪਠਮਸਿਕ੍ਖਮਾਨਸਿਕ੍ਖਾਪਦਵਣ੍ਣਨਾ

ਪਦਭਾਜਨੇ ਵੁਤ੍ਤਨਯੇਨਾਤਿ ‘‘ਪਾਣਾਤਿਪਾਤਾ ਵੇਰਮਣਿਂ ਦ੍ਵੇ ਵਸ੍ਸਾਨਿ ਅਵੀਤਿਕ੍ਕਮ੍ਮ ਸਮਾਦਾਨਂ ਸਮਾਦਿਯਾਮਿ…ਪੇ… ਵਿਕਾਲਭੋਜਨਾ ਵੇਰਮਣਿਂ ਦ੍ਵੇ ਵਸ੍ਸਾਨਿ ਅਵੀਤਿਕ੍ਕਮ੍ਮ ਸਮਾਦਾਨਂ ਸਮਾਦਿਯਾਮੀ’’ਤਿ (ਪਾਚਿ. ੧੦੭੯) ਪਦਭਾਜਨਸਮੀਪੇ ਅਟ੍ਠੁਪ੍ਪਤ੍ਤਿਯਂ ਵੁਤ੍ਤਨਯੇਨ. ਇਮਾ ਪਨ ਛ ਸਿਕ੍ਖਾਯੋ ਸਟ੍ਠਿਵਸ੍ਸਾਯਪਿ ਪਬ੍ਬਜਿਤਾਯ ਦਾਤਬ੍ਬਾਯੇਵ, ਨ ਏਤਾਸੁ ਅਸਿਕ੍ਖਿਤਾ ਉਪਸਮ੍ਪਾਦੇਤਬ੍ਬਾ.

ਪਠਮਸਿਕ੍ਖਮਾਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੪-੫. ਦੁਤਿਯਸਿਕ੍ਖਮਾਨਾਦਿਸਿਕ੍ਖਾਪਦਵਣ੍ਣਨਾ

ਪਦਭਾਜਨੇ ਵੁਤ੍ਤਾ ਉਪਸਮ੍ਪਦਾਸਮ੍ਮੁਤਿ ਨ ਦਿਨ੍ਨਾ ਹੋਤੀਤਿ ਪਦਭਾਜਨਸਮੀਪੇ ਅਟ੍ਠੁਪ੍ਪਤ੍ਤਿਯਂ ਵੁਤ੍ਤਾ ਉਪਸਮ੍ਪਦਾਸਮ੍ਮੁਤਿ ਞਤ੍ਤਿਦੁਤਿਯਾਯ ਕਮ੍ਮਵਾਚਾਯ ਨ ਦਿਨ੍ਨਾ ਹੋਤਿ.

ਪਞ੍ਚਮਂ ਉਤ੍ਤਾਨਤ੍ਥਮੇਵ.

ਦੁਤਿਯਸਿਕ੍ਖਮਾਨਾਦਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੬-੧੦. ਦੁਤਿਯਗਿਹਿਗਤਾਦਿਸਿਕ੍ਖਾਪਦਵਣ੍ਣਨਾ

ਦਸਵਸ੍ਸਾਯ ਗਿਹਿਗਤਾਯ ਸਿਕ੍ਖਾਸਮ੍ਮੁਤਿਂ ਦਤ੍ਵਾ ਪਰਿਪੁਣ੍ਣਦ੍ਵਾਦਸਵਸ੍ਸਂ ਉਪਸਮ੍ਪਾਦੇਤੁਂ ਵਟ੍ਟਤਿ.

ਸਤ੍ਤਮਅਟ੍ਠਮਨਵਮਦਸਮਾਨਿ ਉਤ੍ਤਾਨਤ੍ਥਾਨੇਵ.

ਦੁਤਿਯਗਿਹਿਗਤਾਦਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਗਬ੍ਭਿਨੀਵਗ੍ਗੋ ਸਤ੍ਤਮੋ.