੬. ਵਜ੍ਜਪ੍ਪਟਿਚ੍ਛਾਦਿਕਾਸਿਕ੍ਖਾਪਦਵਣ੍ਣਨਾ

ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨਨ੍ਤਿ ਭਿਕ੍ਖੂਹਿ ਸਾਧਾਰਣਾਨਂ ਚਤੁਨ੍ਨਂ, ਅਸਾਧਾਰਣਾਨਂ ਚਤੁਨ੍ਨਞ੍ਚਾਤਿ ਅਟ੍ਠਨ੍ਨਮਞ੍ਞਤਰਂ ਅਜ੍ਝਾਪਨ੍ਨਂ. ਇਦਞ੍ਚ ਪਾਰਾਜਿਕਂ (ਪਾਚਿ. ਅਟ੍ਠ. ੬੬੬) ਪਚ੍ਛਾ ਪਞ੍ਞਤ੍ਤਂ, ਸਙ੍ਗੀਤਿਕਾਰਕਾਚਰਿਯੇਹਿ ਪਨ ਪੁਰਿਮੇਨ ਸਦ੍ਧਿਂ ਯੁਗਲ਼ਂ ਕਤ੍ਵਾ ਇਮਸ੍ਮਿਂ ਓਕਾਸੇ ਠਪਿਤਨ੍ਤਿ ਵੇਦਿਤਬ੍ਬਂ. ‘‘ਅਟ੍ਠਨ੍ਨਂ ਪਾਰਾਜਿਕਾਨਂ ਅਞ੍ਞਤਰ’’ਨ੍ਤਿ (ਪਾਚਿ. ੬੬੬) ਵਚਨਤੋ ਪਨ ਵਜ੍ਜਪ੍ਪਟਿਚ੍ਛਾਦਿਕਂ ਯਾ ਪਟਿਚ੍ਛਾਦੇਤਿ, ਸਾਪਿ ਵਜ੍ਜਪ੍ਪਟਿਚ੍ਛਾਦਿਕਾ ਏਵਾਤਿ ਦਟ੍ਠਬ੍ਬਂ. ਕਿਞ੍ਚਾਪਿ ਵਜ੍ਜਪ੍ਪਟਿਚ੍ਛਾਦਨਂ ਪੇਮਵਸੇਨ ਹੋਤਿ, ਤਥਾਪਿ ਸਿਕ੍ਖਾਪਦਵੀਤਿਕ੍ਕਮਚਿਤ੍ਤਂ ਦੋਮਨਸ੍ਸਮੇਵ ਹੋਤੀਤਿ ਕਤ੍ਵਾ ਦੁਕ੍ਖਵੇਦਨਂ ਹੋਤੀਤਿ ‘‘ਤਤ੍ਰ ਹਿ ਪਾਚਿਤ੍ਤਿਯਂ…ਪੇ… ਸੇਸਂ ਤਾਦਿਸਮੇਵਾ’’ਤਿ ਵੁਤ੍ਤਂ.

ਵਜ੍ਜਪ੍ਪਟਿਚ੍ਛਾਦਿਕਾਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.