੩. ਪਰਿਞ੍ਞਾਵਾਰਵਣ੍ਣਨਾ

੧੬੫-੧੭੦. ਪਰਿਞ੍ਞਾਵਾਰੇ …ਪੇ… ਤਿਸ੍ਸੋਪੇਤ੍ਥ ਪਰਿਞ੍ਞਾ ਲਬ੍ਭਨ੍ਤੀਤਿ ਏਤ੍ਥੇਵ ਵਿਸੇਸਨਂ ਖਨ੍ਧਯਮਕਾਦੀਸੁ ਸਬ੍ਬਖਨ੍ਧਾਦੀਨਂ ਵਿਯ ਸਬ੍ਬਸਚ੍ਚਾਨਂ ਅਪਰਿਞ੍ਞੇਯ੍ਯਤਾਦਸ੍ਸਨਤ੍ਥਂ ਸਚ੍ਛਿਕਰਣਭਾਵਨਾਵਸੇਨ ਇਮਸ੍ਸ ਵਾਰਸ੍ਸ ਅਪ੍ਪਵਤ੍ਤਿਦਸ੍ਸਨਤ੍ਥਞ੍ਚ. ਦੁਕ੍ਖਸ੍ਸ ਪਰਿਞ੍ਞਤ੍ਥਂ ਸਮੁਦਯਸ੍ਸ ਚ ਪਹਾਨਤ੍ਥਂ ਭਗਵਤਿ ਬ੍ਰਹ੍ਮਚਰਿਯਂ ਵੁਸ੍ਸਤੀਤਿ ਪਰਿਞ੍ਞਾਪਹਾਨਂ ਸਚ੍ਚੇਸੁ ਦਸ੍ਸੇਤੁਂ ਦੁਕ੍ਖੇ ਤੀਰਣਪਰਿਞ੍ਞਾ ਵੁਤ੍ਤਾ, ਨ ਪਹਾਨਪਰਿਞ੍ਞਾ. ਸਮੁਦਯੇ ਚ ਪਹਾਨਪਰਿਞ੍ਞਾ, ਨ ਤੀਰਣਪਰਿਞ੍ਞਾ. ਞਾਤਪਰਿਞ੍ਞਾ ਪਨ ਸਾਧਾਰਣਾਤਿ ਉਭਯਤ੍ਥ ਵੁਤ੍ਤਾ. ਮਗ੍ਗਞਾਣਞ੍ਹਿ ਦੁਕ੍ਖਸਮੁਦਯਾਨਿ ਵਿਭਾਵੇਤੀਤਿ ਞਾਤਪਰਿਞ੍ਞਾ ਚ ਹੋਤਿ, ਦੁਕ੍ਖਤੀਰਣਕਿਚ੍ਚਾਨਂ ਨਿਪ੍ਫਾਦਨਤੋ ਤੀਰਣਪਰਿਞ੍ਞਾ ਚ, ਸਮੁਦਯਸ੍ਸ ਅਪ੍ਪਵਤ੍ਤਿਕਰਣਤੋਵ ਪਹਾਨਪਰਿਞ੍ਞਾ ਚਾਤਿ ਤਿਸ੍ਸੋਪਿ ਪਰਿਞ੍ਞਾ ਮਗ੍ਗਕ੍ਖਣੇ ਏਵ ਯੋਜੇਤਬ੍ਬਾਤਿ.

ਪਰਿਞ੍ਞਾਵਾਰਵਣ੍ਣਨਾ ਨਿਟ੍ਠਿਤਾ.

ਸਚ੍ਚਯਮਕਵਣ੍ਣਨਾ ਨਿਟ੍ਠਿਤਾ.