੨. ਨਤ੍ਥਿਅਰਹਤੋਅਕਾਲਮਚ੍ਚੂਤਿਕਥਾਵਣ੍ਣਨਾ

੭੮੦. ਅਯੋਨਿਸੋ ਗਹੇਤ੍ਵਾਤਿ ਅਲਦ੍ਧਵਿਪਾਕਵਾਰਾਨਮ੍ਪਿ ਕਮ੍ਮਾਨਂ ਬ੍ਯਨ੍ਤੀਭਾਵਂ ਨ ਵਦਾਮੀਤਿ ਅਤ੍ਥਂ ਗਹੇਤ੍ਵਾਤਿ ਅਧਿਪ੍ਪਾਯੋ. ਕੇਚਿ ਪਨ ‘‘ਕਮ੍ਮਾਨਂ ਵਿਪਾਕਂ ਅਪ੍ਪਟਿਸਂਵਿਦਿਤ੍ਵਾ ਪੁਗ੍ਗਲਸ੍ਸ ਬ੍ਯਨ੍ਤੀਭਾਵਂ ਨ ਵਦਾਮੀਤਿ ਏਵਂ ਅਯੋਨਿਸੋ ਅਤ੍ਥਂ ਗਹੇਤ੍ਵਾ’’ਤਿ ਵਦਨ੍ਤਿ.

੭੮੧. ਤਾਵ ਨ ਕਮਤੀਤਿ ਲਦ੍ਧਿਯਾ ਪਟਿਕ੍ਖਿਪਤੀਤਿ ਤਾਵ ਨ ਕਮਤਿ, ਤਤੋ ਪਰਂ ਕਮਤੀਤਿ ਲਦ੍ਧਿਯਾ ਪਟਿਕ੍ਖਿਪਤੀਤਿ ਅਧਿਪ੍ਪਾਯੋ. ਏਤ੍ਥ ਕਿਰ ‘‘ਸਤਿ ਜੀਵਿਤੇ ਜੀਵਿਤਾਵਸੇਸੇ ਜੀਵਿਤਾ ਵੋਰੋਪੇਤੀ’’ਤਿ ਵਚਨਤੋ ਅਤ੍ਤਨੋ ਧਮ੍ਮਤਾਯ ਮਰਨ੍ਤਂ ਕੋਟ੍ਟੇਨ੍ਤਸ੍ਸ ਵਾ ਸੀਸਂ ਵਾ ਛਿਨ੍ਦਨ੍ਤਸ੍ਸ ਨਤ੍ਥਿ ਪਾਣਾਤਿਪਾਤੋਤਿ ਆਚਰਿਯਾ ਵਦਨ੍ਤਿ. ਪਾਣੋ ਪਾਣਸਞ੍ਞਿਤਾ ਵਧਕਚਿਤ੍ਤਉਪਕ੍ਕਮਮਰਣੇਸੁ ਵਿਜ੍ਜਮਾਨੇਸੁਪਿ ਨ ਤੇਨ ਉਪਕ੍ਕਮੇਨ ਮਤੋਤਿ ਨਤ੍ਥਿ ਪਾਣਾਤਿਪਾਤੋਤਿ ਅਧਿਪ੍ਪਾਯੋ. ਏਵਂ ਪਨ ਮਰਨ੍ਤੇਨ ਤੇਨ ਏਕਚਿਤ੍ਤਵਾਰਮ੍ਪਿ ਧਮ੍ਮਤਾਮਰਣਤੋ ਓਰਤੋ ਨ ਮਤੋਤਿ ਦੁਬ੍ਬਿਞ੍ਞੇਯ੍ਯਮੇਤਂ.

ਨਤ੍ਥਿਅਰਹਤੋਅਕਾਲਮਚ੍ਚੂਤਿਕਥਾਵਣ੍ਣਨਾ ਨਿਟ੍ਠਿਤਾ.