੪. ਞਾਣਕਥਾਵਣ੍ਣਨਾ

੬੧੪-੬੧੫. ਞਾਣਕਥਾਯਂ ਸੇਯ੍ਯਥਾਪਿ ਮਹਾਸਙ੍ਘਿਕਾਨਨ੍ਤਿ ਪੁਬ੍ਬੇ ਞਾਣਂਅਨਾਰਮ੍ਮਣਨ੍ਤਿਕਥਾਯਂ (ਕਥਾ. ੫੫੭ ਆਦਯੋ) ਵੁਤ੍ਤੇਹਿ ਅਨ੍ਧਕੇਹਿ ਅਞ੍ਞੇ ਇਧ ਮਹਾਸਙ੍ਘਿਕਾ ਭਵੇਯ੍ਯੁਂ. ਯਦਿ ਅਞ੍ਞਾਣੇ ਵਿਗਤੇਤਿਆਦਿਨਾ ਰਾਗਵਿਗਮੋ ਵਿਯ ਵੀਤਰਾਗਪਞ੍ਞਤ੍ਤਿਯਾ ਅਞ੍ਞਾਣਵਿਗਮੋ ਞਾਣੀਪਞ੍ਞਤ੍ਤਿਯਾ ਕਾਰਣਨ੍ਤਿ ਦਸ੍ਸੇਤਿ. ਨ ਹਿ ਞਾਣਂ ਅਸ੍ਸ ਅਤ੍ਥੀਤਿ ਞਾਣੀ, ਅਥ ਖੋ ਅਞ੍ਞਾਣੀਪਟਿਪਕ੍ਖਤੋ ਞਾਣੀਤਿ. ਯਸ੍ਮਾ ਞਾਣਪਟਿਲਾਭੇਨਾਤਿ ਏਤ੍ਥ ਚ ਞਾਣਪਟਿਲਾਭੇਨ ਅਞ੍ਞਾਣਸ੍ਸ ਵਿਗਤਤ੍ਤਾ ਸੋ ਞਾਣੀਤਿ ਵਤ੍ਤਬ੍ਬਤਂ ਆਪਜ੍ਜਤੀਤਿ ਅਤ੍ਥੋ ਦਟ੍ਠਬ੍ਬੋ.

ਞਾਣਕਥਾਵਣ੍ਣਨਾ ਨਿਟ੍ਠਿਤਾ.