੬. ਓਪਮ੍ਮਸਂਸਨ੍ਦਨਵਣ੍ਣਨਾ

੨੮-੩੬. ਉਪਲਦ੍ਧਿਸਾਮਞ੍ਞੇਨ ਅਞ੍ਞਤ੍ਤਪੁਚ੍ਛਾ ਚਾਤਿ ਇਦਞ੍ਚ ਦ੍ਵਿਨ੍ਨਂ ਸਮਾਨਤਾ ਨੋ ਅਞ੍ਞਤ੍ਤਸ੍ਸ ਕਾਰਣਂ ਯੁਤ੍ਤਂ, ਅਥ ਖੋ ਵਿਸੁਂ ਅਤ੍ਤਨੋ ਸਭਾਵੇਨ ਸਚ੍ਚਿਕਟ੍ਠਪਰਮਤ੍ਥੇਨ ਉਪਲਬ੍ਭਨੀਯਤਾਤਿ ਵਿਚਾਰੇਤਬ੍ਬਂ. ‘‘ਏਕਵੀਸਾਧਿਕਾਨੀ’’ਤਿ ਪੁਰਿਮਪਾਠੋ, ਵੀਸਾਧਿਕਾਨੀਤਿ ਪਨ ਪਠਿਤਬ੍ਬਂ.

੩੭-੪੫. ‘‘ਅਤ੍ਥਿ ਪੁਗ੍ਗਲੋ’’ਤਿ ਸੁਤ੍ਤਂ ਅਨੁਜਾਨਾਪੇਨ੍ਤੇਨ ਉਪਲਦ੍ਧਿ ਅਨੁਜਾਨਿਤਾ ਹੋਤੀਤਿ ਮਞ੍ਞਮਾਨੋ ਆਹ ‘‘ਉਪਲਦ੍ਧਿਸਾਮਞ੍ਞਂ ਆਰੋਪੇਤ੍ਵਾ’’ਤਿ. ਵੀਸਾਧਿਕਾਨਿ ਨਵ ਪਟਿਕਮ੍ਮਪਞ੍ਚਕਸਤਾਨਿ ਦਸ੍ਸਿਤਾਨੀਤਿ ਏਤੇਨ ਸੁਦ੍ਧਿਕਸਂਸਨ੍ਦਨੇਪਿ ‘‘ਆਜਾਨਾਹਿ ਪਟਿਕਮ੍ਮ’’ਮਿਚ੍ਚੇਵ ਪਾਠੋਤਿ ਵਿਞ੍ਞਾਯਤਿ. ਯਞ੍ਚ ਵਾਦਮੁਖੇਸੁ ਸੁਦ੍ਧਿਕਸਚ੍ਚਿਕਟ੍ਠੇ ‘‘ਪਟਿਕਮ੍ਮਚਤੁਕ੍ਕ’’ਨ੍ਤਿ ਵੁਤ੍ਤਂ, ਤਮ੍ਪਿ ‘‘ਪਟਿਕਮ੍ਮਪਞ੍ਚਕ’’ਨ੍ਤਿ.

ਓਪਮ੍ਮਸਂਸਨ੍ਦਨਵਣ੍ਣਨਾ ਨਿਟ੍ਠਿਤਾ.