੬. ਛਕ੍ਕਨਿਦ੍ਦੇਸਵਣ੍ਣਨਾ

੨੦੨. ਛਕ੍ਕੇ ਏਕਨ੍ਤਤੋ ਪਾਕਟਾ ਸਮ੍ਮਾਸਮ੍ਬੁਦ੍ਧਾਦਯੋ ਤੇ ਯਥਾਵੁਤ੍ਤਗੁਣਾ ਪੁਗ੍ਗਲਾਤਿ ਦਸ੍ਸੇਨ੍ਤੋ ‘‘ਸਮ੍ਮਾਸਮ੍ਬੁਦ੍ਧੋ ਤੇਨ ਦਟ੍ਠਬ੍ਬੋ’’ਤਿਆਦਿਮਾਹ. ਤਤ੍ਥ ਤੇਨਾਤਿ ਸਾਮਂ ਸਚ੍ਚਾਭਿਸਮਯੋ ਤਤ੍ਥ ਚ ਸਬ੍ਬਞ੍ਞੁਤਪ੍ਪਤ੍ਤਿਬਲੇਸੁ ਚ ਵਸਿਭਾਵਪ੍ਪਤ੍ਤੀਤਿ ਏਤੇਨ ਸਬ੍ਬੇਨ ਸਮੁਦਿਤੇਨ. ‘‘ਸਬ੍ਬਞ੍ਞੁਤਞ੍ਞਾਣੇਨਾ’’ਤਿ ਪਨ ਵੁਤ੍ਤੇ ਸਬ੍ਬਮਿਦਂ ਸਙ੍ਗਹਿਤਂ ਹੋਤਿ ਸਾਮਂ ਸਚ੍ਚਾਭਿਸਮਯੇਨ ਬਲੇਸੁ ਚ ਵਸਿਭਾਵਪ੍ਪਤ੍ਤਿਯਾ ਚ ਵਿਨਾ ਸਬ੍ਬਞ੍ਞੁਤਞ੍ਞਾਣਸ੍ਸ ਅਭਾਵਾ, ਤਸ੍ਮਾ ਅਟ੍ਠਕਥਾਯਂ ‘‘ਸਬ੍ਬਞ੍ਞੁਤਞ੍ਞਾਣੇਨਾ’’ਤਿ ਏਤ੍ਤਕਮੇਵ ਵੁਤ੍ਤਂ. ਤਤ੍ਥ ਅਨਾਚਰਿਯਕੇਨ ਅਤ੍ਤਨਾ ਉਪ੍ਪਾਦਿਤੇਨਾਤਿ ਵਚਨੇਨ ਸਬ੍ਬਞ੍ਞੁਤਞ੍ਞਾਣਸ੍ਸ ਸਾਚਰਿਯਕਤ੍ਤਂ ਪਰਤੋ ਉਪ੍ਪਤ੍ਤਿਞ੍ਚ ਪਟਿਸੇਧੇਤਿ, ਨ ਸਾਚਰਿਯਕਂ ਪਰੇਹਿ ਉਪ੍ਪਾਦਿਤਞ੍ਚ ਸਬ੍ਬਞ੍ਞੁਤਞ੍ਞਾਣਂ. ਨ ਹਿ ਤਂ ਤਾਦਿਸਂ ਨਿਵਾਰੇਤਬ੍ਬਂ ਅਤ੍ਥੀਤਿ.

ਛਕ੍ਕਨਿਦ੍ਦੇਸਵਣ੍ਣਨਾ ਨਿਟ੍ਠਿਤਾ.