੨. ਫਗ੍ਗੁਨਸੁਤ੍ਤਵਣ੍ਣਨਾ

੫੬. ਦੁਤਿਯੇ ਸਮਧੋਸੀਤਿ ਸਮਨ੍ਤਤੋ ਅਧੋਸਿ. ਸਬ੍ਬਭਾਗੇਨ ਪਰਿਫਨ੍ਦਨਚਲਨਾਕਾਰੇਨ ਅਪਚਿਤਿਂ ਦਸ੍ਸੇਤਿ. ਵਤ੍ਤਂ ਕਿਰੇਤਂ ਬਾਲ਼੍ਹਗਿਲਾਨੇਨਪਿ ਵੁਡ੍ਢਤਰਂ ਦਿਸ੍ਵਾ ਉਟ੍ਠਿਤਾਕਾਰੇਨ ਅਪਚਿਤਿ ਦਸ੍ਸੇਤਬ੍ਬਾ. ਤੇਨ ਪਨ ‘‘ਮਾ ਚਲਿ ਮਾ ਚਲੀ’’ਤਿ ਵਤ੍ਤਬ੍ਬੋ, ਤਂ ਪਨ ਚਲਨਂ ਉਟ੍ਠਾਨਾਕਾਰਦਸ੍ਸਨਂ ਹੋਤੀਤਿ ਆਹ ‘‘ਉਟ੍ਠਾਨਾਕਾਰਂ ਦਸ੍ਸੇਤੀ’’ਤਿ. ਸਨ੍ਤਿਮਾਨਿ ਆਸਨਾਨੀਤਿ ਪਠਮਮੇਵ ਪਞ੍ਞਤ੍ਥਾਸਨਂ ਸਨ੍ਧਾਯ ਵਦਤਿ. ਬੁਦ੍ਧਕਾਲਸ੍ਮਿਞ੍ਹਿ ਏਕਸ੍ਸਪਿ ਭਿਕ੍ਖੁਨੋ ਵਸਨਟ੍ਠਾਨੇ – ‘‘ਸਚੇ ਸਤ੍ਥਾ ਆਗਚ੍ਛਿਸ੍ਸਤਿ, ਆਸਨਂ ਪਞ੍ਞਤ੍ਤਮੇਵ ਹੋਤੂ’’ਤਿ ਅਨ੍ਤਮਸੋ ਫਲਕਮਤ੍ਤਮ੍ਪਿ ਪਣ੍ਣਸਨ੍ਥਾਰਮਤ੍ਤਮ੍ਪਿ ਪਞ੍ਞਤ੍ਤਮੇਵ. ਖਮਨੀਯਂ ਯਾਪਨੀਯਨ੍ਤਿ ਕਚ੍ਚਿ ਦੁਕ੍ਖਂ ਖਮਿਤੁਂ, ਇਰਿਯਾਪਥਂ ਵਾ ਯਾਪੇਤੁਂ ਸਕ੍ਕਾਤਿ ਪੁਚ੍ਛਤਿ. ਸੀਸਵੇਦਨਾਤਿ ਕੁਤੋਚਿ ਨਿਕ੍ਖਮਿਤੁਂ ਅਲਭਮਾਨੇਹਿ ਵਾਤੇਹਿ ਸਮੁਟ੍ਠਾਪਿਤਾ ਬਲਵਤਿਯੋ ਸੀਸਵੇਦਨਾ ਹੋਨ੍ਤਿ.

ਫਗ੍ਗੁਨਸੁਤ੍ਤਵਣ੍ਣਨਾ ਨਿਟ੍ਠਿਤਾ.