੨. ਚੁਨ੍ਦੀਸੁਤ੍ਤਵਣ੍ਣਨਾ

੩੨. ਦੁਤਿਯੇ ‘‘ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ’’ਤਿਆਦੀਸੁ (ਅ. ਨਿ. ੫.੧੭੯) ਅਰਿਯਕਨ੍ਤਾਨੀਤਿ ਪਞ੍ਚਸੀਲਾਨਿ ਆਗਤਾਨਿ. ਅਰਿਯਕਨ੍ਤਾਨਿ ਹਿ ਪਞ੍ਚਸੀਲਾਨਿ ਅਰਿਯਾਨਂ ਕਨ੍ਤਾਨਿ ਪਿਯਾਨਿ, ਭਵਨ੍ਤਰਗਤਾਪਿ ਅਰਿਯਾ ਤਾਨਿ ਨ ਵਿਜਹਨ੍ਤਿ. ਇਧ ਪਨ ‘‘ਯਾਵਤਾ, ਚੁਨ੍ਦ, ਸੀਲਾਨਿ ਅਰਿਯਕਨ੍ਤਾਨਿ ਸੀਲਾਨਿ, ਤੇਸਂ ਅਗ੍ਗਮਕ੍ਖਾਯਤਿ…ਪੇ… ਅਗ੍ਗੇ ਤੇ ਪਰਿਪੂਰਕਾਰਿਨੋ’’ਤਿ ਵੁਤ੍ਤਤ੍ਤਾ ਮਗ੍ਗਫਲਾਨਿ ਸੀਲਾਨਿ ਅਧਿਪ੍ਪੇਤਾਨੀਤਿ ਆਹ ‘‘ਅਰਿਯਕਨ੍ਤਾਨਿ ਸੀਲਾਨੀਤਿ ਮਗ੍ਗਫਲਸਮ੍ਪਯੁਤ੍ਤਾਨਿ ਸੀਲਾਨੀ’’ਤਿ.

ਚੁਨ੍ਦੀਸੁਤ੍ਤਵਣ੍ਣਨਾ ਨਿਟ੍ਠਿਤਾ.