੯-੧੦. ਗੀਤਸ੍ਸਰਸੁਤ੍ਤਾਦਿਵਣ੍ਣਨਾ

੨੦੯-੨੧੦. ਨਵਮੇ ਆਯਤਕੋ ਨਾਮ ਗੀਤਸ੍ਸਰੋ ਤਂ ਤਂ ਵਤ੍ਤਂ ਭਿਨ੍ਦਿਤ੍ਵਾ ਅਕ੍ਖਰਾਨਿ ਵਿਨਾਸੇਤ੍ਵਾ ਪਵਤ੍ਤੋਤਿ ਆਹ ‘‘ਆਯਤਕੇਨਾ’’ਤਿਆਦਿ. ਧਮ੍ਮੇਹਿ ਸੁਤ੍ਤਵਤ੍ਤਂ ਨਾਮ ਅਤ੍ਥਿ, ਗਾਥਾਵਤ੍ਤਂ ਨਾਮ ਅਤ੍ਥਿ, ਤਂ ਵਿਨਾਸੇਤ੍ਵਾ ਅਤਿਦੀਘਂ ਕਾਤੁਂ ਨ ਵਟ੍ਟਤਿ. ਧਮ੍ਮਞ੍ਹਿ ਭਾਸਨ੍ਤੇਨ ਚਤੁਰਸ੍ਸੇਨ ਵਤ੍ਤੇਨ ਪਰਿਮਣ੍ਡਲਾਨਿ ਪਦਬ੍ਯਞ੍ਜਨਾਨਿ ਦਸ੍ਸੇਤਬ੍ਬਾਨਿ. ‘‘ਅਨੁਜਾਨਾਮਿ, ਭਿਕ੍ਖਵੇ, ਸਰਭਞ੍ਞ’’ਨ੍ਤਿ (ਚੂਲ਼ਵ. ੨੪੯) ਚ ਵਚਨਤੋ ਸਰੇਨ ਧਮ੍ਮਂ ਭਣਿਤੁਂ ਵਟ੍ਟਤਿ. ਸਰਭਞ੍ਞੇ ਕਿਰ ਤਰਙ੍ਗਵਤ੍ਤਧੋਤਕਵਤ੍ਤਭਾਗਗ੍ਗਹਕਵਤ੍ਤਾਦੀਨਿ ਦ੍ਵਤ੍ਤਿਂਸ ਵਤ੍ਤਾਨਿ ਅਤ੍ਥਿ. ਤੇਸੁ ਯਂ ਇਚ੍ਛਤਿ, ਤਂ ਕਾਤੁਂ ਲਭਤੀਤਿ. ਦਸਮੇ ਨਤ੍ਥਿ ਵਤ੍ਤਬ੍ਬਂ.

ਗੀਤਸ੍ਸਰਸੁਤ੍ਤਾਦਿਵਣ੍ਣਨਾ ਨਿਟ੍ਠਿਤਾ.

ਕਿਮਿਲਵਗ੍ਗਵਣ੍ਣਨਾ ਨਿਟ੍ਠਿਤਾ.