੮. ਦੇਵਦਤ੍ਤਸੁਤ੍ਤਵਣ੍ਣਨਾ

੬੮. ਅਟ੍ਠਮੇ ਕਾਲੇ ਸਮ੍ਪਤ੍ਤੇਤਿ ਗਬ੍ਭਸ੍ਸ ਪਰਿਪਾਕਗਤਤ੍ਤਾ ਵਿਜਾਯਨਕਾਲੇ ਸਮ੍ਪਤ੍ਤੇ. ਪੋਤਕਨ੍ਤਿ ਅਸ੍ਸਤਰਿਯਾ ਪੁਤ੍ਤਂ. ‘‘ਫਲਂ ਵੇ ਕਦਲਿਂ ਹਨ੍ਤੀ’’ਤਿਆਦਿਗਾਥਾਯ ਕੁਕ੍ਕੁਜਕੇਨੇਵ ਪਤ੍ਤਵਟ੍ਟਿਪਸਵਸ੍ਸ ਉਚ੍ਛਿਨ੍ਨਤ੍ਤਾ ਫਲੁਪ੍ਪਤ੍ਤਿ ਕਦਲਿਯਾ ਪਰਾਭਵਾਯ ਹੋਤੀਤਿ ਆਹ ‘‘ਫਲਂ ਵੇ ਕਦਲਿਂ ਹਨ੍ਤੀ’’ਤਿ. ਕੁਕ੍ਕੁਜਕਂ ਨਾਮ ਕਦਲਿਯਾ ਪੁਪ੍ਫਨਾਲ਼ਂ. ਤਥਾ ਫਲਪਾਕਪਰਿਯੋਸਾਨਤ੍ਤਾ ਓਸਧੀਨਂ ‘‘ਫਲਂ ਵੇਲ਼ੁਂ ਨਲ਼’’ਨ੍ਤਿ ਵੁਤ੍ਤਂ. ਅਯਂ ਪਨੇਤ੍ਥ ਪਿਣ੍ਡਤ੍ਥੋ – ਯਥਾ ਅਤ੍ਤਨੋ ਫਲਂ ਕਦਲਿਵੇਲ਼ੁਨਲ਼ੇ ਵਿਨਾਸੇਤਿ, ਗਬ੍ਭੋ ਚ ਅਸ੍ਸਤਰਿਂ, ਏਵਂ ਅਤ੍ਤਨੋ ਕਮ੍ਮਭੂਤੋ ਸਕ੍ਕਾਰੋ ਅਸਪ੍ਪੁਰਿਸਂ ਵਿਨਾਸੇਤੀਤਿ.

ਦੇਵਦਤ੍ਤਸੁਤ੍ਤਵਣ੍ਣਨਾ ਨਿਟ੍ਠਿਤਾ.