੧-੩. ਅਭਿਞ੍ਞਾਸੁਤ੍ਤਾਦਿਵਣ੍ਣਨਾ

੨੫੪-੨੫੬. ਛਟ੍ਠਸ੍ਸ ਪਠਮੇ ਪਚ੍ਚਨੀਕਸਮਨਤੋ ਸਮਥੋ, ਸਮਾਧੀਤਿ ਆਹ ‘‘ਚਿਤ੍ਤੇਕਗ੍ਗਤਾ’’ਤਿ. ਅਨਿਚ੍ਚਾਦਿਨਾ ਵਿਵਿਧੇਨਾਕਾਰੇਨ ਦਸ੍ਸਨਤੋ ਵਿਪਸ੍ਸਨਾ, ਸਙ੍ਖਾਰਪਰਿਗ੍ਗਾਹਕਞਾਣਂ. ਤੇਨਾਹ ‘‘ਸਙ੍ਖਾਰਪਰਿਗ੍ਗਹਵਿਪਸ੍ਸਨਾਞਾਣ’’ਨ੍ਤਿ.

ਦੁਤਿਯੇ ਅਨਰਿਯੇਹਿ ਪਰਿਯੇਸਿਤਬ੍ਬਤ੍ਤਾ ਅਨਰਿਯਾਨਂ ਪਰਿਯੇਸਨਾਤਿ ਅਨਰਿਯਪਰਿਯੇਸਨਾ. ਸਯਂ ਲਾਮਕਤਾਯ ਅਨਰਿਯਾਨਂ ਪਰਿਯੇਸਨਾਤਿ ਵਾ ਅਨਰਿਯਪਰਿਯੇਸਨਾ. ਜਰਾਸਭਾਵਨ੍ਤਿ ਜੀਰਣਪਕਤਿਕਂ. ਤਤਿਯਂ ਉਤ੍ਤਾਨਮੇਵ.

ਅਭਿਞ੍ਞਾਸੁਤ੍ਤਾਦਿਵਣ੍ਣਨਾ ਨਿਟ੍ਠਿਤਾ.