(੨੬) ੬. ਅਭਿਞ੍ਞਾਵਗ੍ਗੋ

੧-੩. ਅਭਿਞ੍ਞਾਸੁਤ੍ਤਾਦਿਵਣ੍ਣਨਾ

੨੫੪-੨੫੬. ਛਟ੍ਠਸ੍ਸ ਪਠਮੇ ਪਚ੍ਚਨੀਕਸਮਨਤੋ ਸਮਥੋ, ਸਮਾਧੀਤਿ ਆਹ ‘‘ਚਿਤ੍ਤੇਕਗ੍ਗਤਾ’’ਤਿ. ਅਨਿਚ੍ਚਾਦਿਨਾ ਵਿਵਿਧੇਨਾਕਾਰੇਨ ਦਸ੍ਸਨਤੋ ਵਿਪਸ੍ਸਨਾ, ਸਙ੍ਖਾਰਪਰਿਗ੍ਗਾਹਕਞਾਣਂ. ਤੇਨਾਹ ‘‘ਸਙ੍ਖਾਰਪਰਿਗ੍ਗਹਵਿਪਸ੍ਸਨਾਞਾਣ’’ਨ੍ਤਿ.

ਦੁਤਿਯੇ ਅਨਰਿਯੇਹਿ ਪਰਿਯੇਸਿਤਬ੍ਬਤ੍ਤਾ ਅਨਰਿਯਾਨਂ ਪਰਿਯੇਸਨਾਤਿ ਅਨਰਿਯਪਰਿਯੇਸਨਾ. ਸਯਂ ਲਾਮਕਤਾਯ ਅਨਰਿਯਾਨਂ ਪਰਿਯੇਸਨਾਤਿ ਵਾ ਅਨਰਿਯਪਰਿਯੇਸਨਾ. ਜਰਾਸਭਾਵਨ੍ਤਿ ਜੀਰਣਪਕਤਿਕਂ. ਤਤਿਯਂ ਉਤ੍ਤਾਨਮੇਵ.

ਅਭਿਞ੍ਞਾਸੁਤ੍ਤਾਦਿਵਣ੍ਣਨਾ ਨਿਟ੍ਠਿਤਾ.

੪-੧੦. ਮਾਲੁਕ੍ਯਪੁਤ੍ਤਸੁਤ੍ਤਾਦਿਵਣ੍ਣਨਾ

੨੫੭-੨੬੩. ਚਤੁਤ੍ਥੇ ਅਪਸਾਦੇਤੀਤਿ ਨਿਗ੍ਗਣ੍ਹਾਤਿ. ਉਸ੍ਸਾਦੇਤੀਤਿ ਪਗ੍ਗਣ੍ਹਾਤਿ. ਅਪਸਾਦਨਾਕਾਰਂ ਉਸ੍ਸਾਦਨਾਕਾਰਞ੍ਚ ਵਿਭਾਵੇਤੁਂ ‘‘ਕਥ’’ਨ੍ਤਿਆਦਿ ਆਰਦ੍ਧਂ. ਪਞ੍ਚਮਾਦੀਨਿ ਉਤ੍ਤਾਨਾਨੇਵ. ਸੇਸਂ ਸੁਵਿਞ੍ਞੇਯ੍ਯਮੇਵ.

ਮਾਲੁਕ੍ਯਪੁਤ੍ਤਸੁਤ੍ਤਾਦਿਵਣ੍ਣਨਾ ਨਿਟ੍ਠਿਤਾ.

ਅਭਿਞ੍ਞਾਵਗ੍ਗਵਣ੍ਣਨਾ ਨਿਟ੍ਠਿਤਾ.

ਇਤਿ ਮਨੋਰਥਪੂਰਣਿਯਾ ਅਙ੍ਗੁਤ੍ਤਰਨਿਕਾਯ-ਅਟ੍ਠਕਥਾਯ

ਚਤੁਕ੍ਕਨਿਪਾਤਵਣ੍ਣਨਾਯ ਅਨੁਤ੍ਤਾਨਤ੍ਥਦੀਪਨਾ ਸਮਤ੍ਤਾ.

ਦੁਤਿਯੋ ਭਾਗੋ ਨਿਟ੍ਠਿਤੋ.