੩. ਵਿਞ੍ਞਾਣਸੁਤ੍ਤਂ

੩੨੪. ਸਾਵਤ੍ਥਿਨਿਦਾਨਂ. ‘‘ਯੋ, ਭਿਕ੍ਖਵੇ, ਚਕ੍ਖੁਵਿਞ੍ਞਾਣਸ੍ਮਿਂ ਛਨ੍ਦਰਾਗੋ, ਚਿਤ੍ਤਸ੍ਸੇਸੋ ਉਪਕ੍ਕਿਲੇਸੋ. ਯੋ ਸੋਤਵਿਞ੍ਞਾਣਸ੍ਮਿਂ… ਯੋ ਘਾਨਵਿਞ੍ਞਾਣਸ੍ਮਿਂ… ਯੋ ਜਿਵ੍ਹਾਵਿਞ੍ਞਾਣਸ੍ਮਿਂ… ਯੋ ਕਾਯਵਿਞ੍ਞਾਣਸ੍ਮਿਂ… ਯੋ ਮਨੋਵਿਞ੍ਞਾਣਸ੍ਮਿਂ ਛਨ੍ਦਰਾਗੋ, ਚਿਤ੍ਤਸ੍ਸੇਸੋ ਉਪਕ੍ਕਿਲੇਸੋ. ਯਤੋ ਖੋ, ਭਿਕ੍ਖਵੇ, ਭਿਕ੍ਖੁਨੋ ਇਮੇਸੁ ਛਸੁ ਠਾਨੇਸੁ ਚੇਤਸੋ ਉਪਕ੍ਕਿਲੇਸੋ ਪਹੀਨੋ ਹੋਤਿ, ਨੇਕ੍ਖਮ੍ਮਨਿਨ੍ਨਞ੍ਚਸ੍ਸ ਚਿਤ੍ਤਂ ਹੋਤਿ. ਨੇਕ੍ਖਮ੍ਮਪਰਿਭਾਵਿਤਂ ਚਿਤ੍ਤਂ ਕਮ੍ਮਨਿਯਂ ਖਾਯਤਿ, ਅਭਿਞ੍ਞਾ ਸਚ੍ਛਿਕਰਣੀਯੇਸੁ ਧਮ੍ਮੇਸੂ’’ਤਿ. ਤਤਿਯਂ.