੫੫. ਵਿਞ੍ਞਾਣਅਪ੍ਪਚ੍ਚਕ੍ਖਕਮ੍ਮਸੁਤ੍ਤਂ

੬੬੧. ਸਾਵਤ੍ਥਿਨਿਦਾਨਂ. ‘‘ਵਿਞ੍ਞਾਣੇ ਖੋ, ਵਚ੍ਛ, ਅਪ੍ਪਚ੍ਚਕ੍ਖਕਮ੍ਮਾ, ਵਿਞ੍ਞਾਣਸਮੁਦਯੇ ਅਪ੍ਪਚ੍ਚਕ੍ਖਕਮ੍ਮਾ, ਵਿਞ੍ਞਾਣਨਿਰੋਧੇ ਅਪ੍ਪਚ੍ਚਕ੍ਖਕਮ੍ਮਾ, ਵਿਞ੍ਞਾਣਨਿਰੋਧਗਾਮਿਨਿਯਾ ਪਟਿਪਦਾਯ ਅਪ੍ਪਚ੍ਚਕ੍ਖਕਮ੍ਮਾ; ਏਵਮਿਮਾਨਿ ਅਨੇਕਵਿਹਿਤਾਨਿ ਦਿਟ੍ਠਿਗਤਾਨਿ ਲੋਕੇ ਉਪ੍ਪਜ੍ਜਨ੍ਤਿ – ਸਸ੍ਸਤੋ ਲੋਕੋਤਿ ਵਾ, ਅਸਸ੍ਸਤੋ ਲੋਕੋਤਿ ਵਾ…ਪੇ… ਨੇਵ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾਤਿ. ਅਯਂ ਖੋ, ਵਚ੍ਛ, ਹੇਤੁ, ਅਯਂ ਪਚ੍ਚਯੋ, ਯਾਨਿਮਾਨਿ ਅਨੇਕਵਿਹਿਤਾਨਿ ਦਿਟ੍ਠਿਗਤਾਨਿ ਲੋਕੇ ਉਪ੍ਪਜ੍ਜਨ੍ਤਿ – ਸਸ੍ਸਤੋ ਲੋਕੋਤਿ ਵਾ, ਅਸਸ੍ਸਤੋ ਲੋਕੋਤਿ ਵਾ, ਅਨ੍ਤਵਾ ਲੋਕੋਤਿ ਵਾ, ਅਨਨ੍ਤਵਾ ਲੋਕੋਤਿ ਵਾ, ਤਂ ਜੀਵਂ ਤਂ ਸਰੀਰਨ੍ਤਿ ਵਾ, ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ ਵਾ, ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨੇਵ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ’’ਤਿ. ਪਞ੍ਚਪਞ੍ਞਾਸਮਂ.

ਵਚ੍ਛਗੋਤ੍ਤਸਂਯੁਤ੍ਤਂ ਸਮਤ੍ਤਂ.