੧੦. ਅਰਞ੍ਞਸੁਤ੍ਤਂ

੧੦. ਸਾਵਤ੍ਥਿਨਿਦਾਨਂ. ਏਕਮਨ੍ਤਂ ਠਿਤਾ ਖੋ ਸਾ ਦੇਵਤਾ ਭਗਵਨ੍ਤਂ ਗਾਥਾਯ ਅਜ੍ਝਭਾਸਿ –

‘‘ਅਰਞ੍ਞੇ ਵਿਹਰਨ੍ਤਾਨਂ, ਸਨ੍ਤਾਨਂ ਬ੍ਰਹ੍ਮਚਾਰਿਨਂ;

ਏਕਭਤ੍ਤਂ ਭੁਞ੍ਜਮਾਨਾਨਂ, ਕੇਨ ਵਣ੍ਣੋ ਪਸੀਦਤੀ’’ਤਿ.

‘‘ਅਤੀਤਂ ਨਾਨੁਸੋਚਨ੍ਤਿ, ਨਪ੍ਪਜਪ੍ਪਨ੍ਤਿ ਨਾਗਤਂ;

ਪਚ੍ਚੁਪ੍ਪਨ੍ਨੇਨ ਯਾਪੇਨ੍ਤਿ, ਤੇਨ ਵਣ੍ਣੋ ਪਸੀਦਤਿ’’.

‘‘ਅਨਾਗਤਪ੍ਪਜਪ੍ਪਾਯ, ਅਤੀਤਸ੍ਸਾਨੁਸੋਚਨਾ;

ਏਤੇਨ ਬਾਲਾ ਸੁਸ੍ਸਨ੍ਤਿ, ਨਲ਼ੋਵ ਹਰਿਤੋ ਲੁਤੋ’’ਤਿ.

ਨਲ਼ਵਗ੍ਗੋ ਪਠਮੋ.

ਤਸ੍ਸੁਦ੍ਦਾਨਂ –

ਓਘਂ ਨਿਮੋਕ੍ਖਂ ਉਪਨੇਯ੍ਯਂ, ਅਚ੍ਚੇਨ੍ਤਿ ਕਤਿਛਿਨ੍ਦਿ ਚ;

ਜਾਗਰਂ ਅਪ੍ਪਟਿਵਿਦਿਤਾ, ਸੁਸਮ੍ਮੁਟ੍ਠਾ ਮਾਨਕਾਮਿਨਾ;

ਅਰਞ੍ਞੇ ਦਸਮੋ ਵੁਤ੍ਤੋ, ਵਗ੍ਗੋ ਤੇਨ ਪਵੁਚ੍ਚਤਿ.