੮. ਜਲੂਕਙ੍ਗਪਞ੍ਹੋ

੮. ‘‘ਭਨ੍ਤੇ ਨਾਗਸੇਨ, ‘ਜਲੂਕਾਯ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ ਵਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਜਲੂਕਾ ਯਤ੍ਥ ਅਲ੍ਲੀਯਤਿ, ਤਤ੍ਥੇਵ ਦਲ਼੍ਹਂ ਅਲ੍ਲੀਯਿਤ੍ਵਾ ਰੁਹਿਰਂ ਪਿਵਤਿ, ਏਵਮੇਵ ਖੋ, ਮਹਾਰਾਜ, ਯੋਗਿਨਾ ਯੋਗਾਵਚਰੇਨ ਯਸ੍ਮਿਂ ਆਰਮ੍ਮਣੇ ਚਿਤ੍ਤਂ ਅਲ੍ਲੀਯਤਿ, ਤਂ ਆਰਮ੍ਮਣਂ ਵਣ੍ਣਤੋ ਚ ਸਣ੍ਠਾਨਤੋ ਚ ਦਿਸਤੋ ਚ ਓਕਾਸਤੋ ਚ ਪਰਿਚ੍ਛੇਦਤੋ ਚ ਲਿਙ੍ਗਤੋ ਚ ਨਿਮਿਤ੍ਤਤੋ ਚ ਦਲ਼੍ਹਂ ਪਤਿਟ੍ਠਾਪੇਤ੍ਵਾ ਤੇਨੇਵਾਰਮ੍ਮਣੇਨ ਵਿਮੁਤ੍ਤਿਰਸਮਸੇਚਨਕਂ ਪਾਤਬ੍ਬਂ. ਇਦਂ, ਮਹਾਰਾਜ, ਜਲੂਕਾਯ ਏਕਂ ਅਙ੍ਗਂ ਗਹੇਤਬ੍ਬਂ. ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਅਨੁਰੁਦ੍ਧੇਨ –

‘‘‘ਪਰਿਸੁਦ੍ਧੇਨ ਚਿਤ੍ਤੇਨ, ਆਰਮ੍ਮਣੇ ਪਤਿਟ੍ਠਾਯ;

ਤੇਨ ਚਿਤ੍ਤੇਨ ਪਾਤਬ੍ਬਂ, ਵਿਮੁਤ੍ਤਿਰਸਮਸੇਚਨ’’’ਨ੍ਤਿ.

ਜਲੂਕਙ੍ਗਪਞ੍ਹੋ ਅਟ੍ਠਮੋ.