੩੪੭. ਅਯਕੂਟਜਾਤਕਂ (੪-੫-੭)

੧੮੫. ਸਬ੍ਬਾਯਸਂ ਕੂਟਮਤਿਪ੍ਪਮਾਣਂ, ਪਗ੍ਗਯ੍ਹ ਯੋ [ਸੋ (ਪੀ.)] ਤਿਟ੍ਠਸਿ ਅਨ੍ਤਲਿਕ੍ਖੇ;

ਰਕ੍ਖਾਯ ਮੇ [ਮਂ (ਸੀ.)] ਤ੍ਵਂ ਵਿਹਿਤੋ ਨੁਸਜ੍ਜ, ਉਦਾਹੁ ਮੇ ਚੇਤਯਸੇ [ਵਾਯਮਸੇ (ਸੀ. ਸ੍ਯਾ.)] ਵਧਾਯ.

੧੮੬. ਦੂਤੋ ਅਹਂ ਰਾਜਿਧ ਰਕ੍ਖਸਾਨਂ, ਵਧਾਯ ਤੁਯ੍ਹਂ ਪਹਿਤੋਹਮਸ੍ਮਿ;

ਇਨ੍ਦੋ ਚ ਤਂ ਰਕ੍ਖਤਿ ਦੇਵਰਾਜਾ, ਤੇਨੁਤ੍ਤਮਙ੍ਗਂ ਨ ਤੇ [ਨ ਹਿ (ਕ. ਸੀ. ਪੀ.), ਤੇ ਨ (ਕ.)] ਫਾਲਯਾਮਿ.

੧੮੭. ਸਚੇ ਚ ਮਂ ਰਕ੍ਖਤਿ ਦੇਵਰਾਜਾ, ਦੇਵਾਨਮਿਨ੍ਦੋ ਮਘਵਾ ਸੁਜਮ੍ਪਤਿ;

ਕਾਮਂ ਪਿਸਾਚਾ ਵਿਨਦਨ੍ਤੁ ਸਬ੍ਬੇ, ਨ ਸਨ੍ਤਸੇ ਰਕ੍ਖਸਿਯਾ ਪਜਾਯ.

੧੮੮. ਕਾਮਂ ਕਨ੍ਦਨ੍ਤੁ [ਕਨ੍ਤਨ੍ਤੁ (ਕ.), ਕਣ੍ਡਨ੍ਤੁ (ਸ੍ਯਾ.)] ਕੁਮ੍ਭਣ੍ਡਾ, ਸਬ੍ਬੇ ਪਂਸੁਪਿਸਾਚਕਾ;

ਨਾਲਂ ਪਿਸਾਚਾ ਯੁਦ੍ਧਾਯ, ਮਹਤੀ ਸਾ ਵਿਭਿਂਸਿਕਾਤਿ [ਵਿਭੇਸਿਕਾਤਿ (ਸ੍ਯਾ.), ਵਿਹੇਸਿਕਾਤਿ (ਪੀ.)].

ਅਯਕੂਟਜਾਤਕਂ ਸਤ੍ਤਮਂ.