੩੧੪. ਲੋਹਕੁਮ੍ਭਿਜਾਤਕਂ (੪-੨-੪)

੫੩. ਦੁਜ੍ਜੀਵਿਤਮਜੀਵਿਮ੍ਹ, ਯੇ ਸਨ੍ਤੇ [ਯੇਸਂ ਨੋ (ਸ੍ਯਾ. ਕ.)] ਨ ਦਦਮ੍ਹਸੇ;

ਵਿਜ੍ਜਮਾਨੇਸੁ ਭੋਗੇਸੁ, ਦੀਪਂ ਨਾਕਮ੍ਹ ਅਤ੍ਤਨੋ.

੫੪. ਸਟ੍ਠਿ [ਸਟ੍ਠਿਂ (ਸ੍ਯਾ.)] ਵਸ੍ਸਸਹਸ੍ਸਾਨਿ, ਪਰਿਪੁਣ੍ਣਾਨਿ ਸਬ੍ਬਸੋ;

ਨਿਰਯੇ ਪਚ੍ਚਮਾਨਾਨਂ, ਕਦਾ ਅਨ੍ਤੋ ਭਵਿਸ੍ਸਤਿ.

੫੫. ਨਤ੍ਥਿ ਅਨ੍ਤੋ ਕੁਤੋ ਅਨ੍ਤੋ, ਨ ਅਨ੍ਤੋ ਪਟਿਦਿਸ੍ਸਤਿ;

ਤਦਾ ਹਿ ਪਕਤਂ ਪਾਪਂ, ਮਮ ਤੁਯ੍ਹਞ੍ਚ ਮਾਰਿਸਾ [ਮਾਰਿਸ (ਸੀ. ਸ੍ਯਾ. ਪੀ.)].

੫੬. ਸੋਹਂ ਨੂਨ ਇਤੋ ਗਨ੍ਤ੍ਵਾ, ਯੋਨਿਂ ਲਦ੍ਧਾਨ ਮਾਨੁਸਿਂ;

ਵਦਞ੍ਞੂ ਸੀਲਸਮ੍ਪਨ੍ਨੋ, ਕਾਹਾਮਿ ਕੁਸਲਂ ਬਹੁਨ੍ਤਿ.

ਲੋਹਕੁਮ੍ਭਿਜਾਤਕਂ ਚਤੁਤ੍ਥਂ.