੨੯੩. ਕਾਯਨਿਬ੍ਬਿਨ੍ਦਜਾਤਕਂ (੩-੫-੩)

੧੨੭. ਫੁਟ੍ਠਸ੍ਸ ਮੇ ਅਞ੍ਞਤਰੇਨ ਬ੍ਯਾਧਿਨਾ, ਰੋਗੇਨ ਬਾਲ਼੍ਹਂ ਦੁਖਿਤਸ੍ਸ ਰੁਪ੍ਪਤੋ;

ਪਰਿਸੁਸ੍ਸਤਿ ਖਿਪ੍ਪਮਿਦਂ ਕਲ਼ੇਵਰਂ, ਪੁਪ੍ਫਂ ਯਥਾ ਪਂਸੁਨਿ ਆਤਪੇ ਕਤਂ.

੧੨੮. ਅਜਞ੍ਞਂ ਜਞ੍ਞਸਙ੍ਖਾਤਂ, ਅਸੁਚਿਂ ਸੁਚਿਸਮ੍ਮਤਂ;

ਨਾਨਾਕੁਣਪਪਰਿਪੂਰਂ, ਜਞ੍ਞਰੂਪਂ ਅਪਸ੍ਸਤੋ.

੧੨੯. ਧਿਰਤ੍ਥੁਮਂ ਆਤੁਰਂ ਪੂਤਿਕਾਯਂ, ਜੇਗੁਚ੍ਛਿਯਂ ਅਸ੍ਸੁਚਿਂ ਬ੍ਯਾਧਿਧਮ੍ਮਂ;

ਯਤ੍ਥਪ੍ਪਮਤ੍ਤਾ ਅਧਿਮੁਚ੍ਛਿਤਾ ਪਜਾ, ਹਾਪੇਨ੍ਤਿ ਮਗ੍ਗਂ ਸੁਗਤੂਪਪਤ੍ਤਿਯਾਤਿ.

ਕਾਯਨਿਬ੍ਬਿਨ੍ਦ [ਕਾਯਵਿਚ੍ਛਨ੍ਦ (ਸੀ.), ਕਾਯਵਿਚ੍ਛਿਨ੍ਦ (ਪੀ.)] ਜਾਤਕਂ ਤਤਿਯਂ.