੨੭੭. ਰੋਮਕਜਾਤਕਂ (੩-੩-੭)

੭੯. ਵਸ੍ਸਾਨਿ ਪਞ੍ਞਾਸ ਸਮਾਧਿਕਾਨਿ, ਵਸਿਮ੍ਹ ਸੇਲਸ੍ਸ ਗੁਹਾਯ ਰੋਮਕ;

ਅਸਙ੍ਕਮਾਨਾ ਅਭਿਨਿਬ੍ਬੁਤਤ੍ਤਾ [ਅਭਿਨਿਬ੍ਬੁਤਚਿਤ੍ਤਾ (ਸ੍ਯਾ. ਕ.)], ਹਤ੍ਥਤ੍ਤ [ਹਤ੍ਥਤ੍ਥ (ਸ੍ਯਾ.)] ਮਾਯਨ੍ਤਿ ਮਮਣ੍ਡਜਾ ਪੁਰੇ.

੮੦. ਤੇ ਦਾਨਿ ਵਕ੍ਕਙ੍ਗ ਕਿਮਤ੍ਥਮੁਸ੍ਸੁਕਾ, ਭਜਨ੍ਤਿ ਅਞ੍ਞਂ ਗਿਰਿਕਨ੍ਦਰਂ ਦਿਜਾ;

ਨ ਨੂਨ ਮਞ੍ਞਨ੍ਤਿ ਮਮਂ ਯਥਾ ਪੁਰੇ, ਚਿਰਪ੍ਪਵੁਤ੍ਥਾ ਅਥ ਵਾ ਨ ਤੇ ਇਮੇ.

੮੧. ਜਾਨਾਮ ਤਂ ਨ ਮਯਂ ਸਮ੍ਪਮੂਲ਼੍ਹਾ [ਨ ਮਯ’ਮਸ੍ਮ ਮੂਲ਼੍ਹਾ (ਸੀ. ਪੀ.)], ਸੋਯੇਵ ਤ੍ਵਂ ਤੇ ਮਯਮਸ੍ਮ ਨਾਞ੍ਞੇ;

ਚਿਤ੍ਤਞ੍ਚ ਤੇ ਅਸ੍ਮਿਂ ਜਨੇ ਪਦੁਟ੍ਠਂ, ਆਜੀਵਿਕਾ [ਆਜੀਵਕ (ਸੀ. ਸ੍ਯਾ.), ਆਜੀਵਿਕ (ਪੀ.)] ਤੇਨ ਤਮੁਤ੍ਤਸਾਮਾਤਿ.

ਰੋਮਕਜਾਤਕਂ ਸਤ੍ਤਮਂ.