੪੮. ਨਲ਼ਮਾਲਿਵਗ੍ਗੋ

੧. ਨਲ਼ਮਾਲਿਯਤ੍ਥੇਰਅਪਦਾਨਂ

੧. ‘‘ਸੁਵਣ੍ਣਵਣ੍ਣਂ ਸਮ੍ਬੁਦ੍ਧਂ, ਆਹੁਤੀਨਂ ਪਟਿਗ੍ਗਹਂ;

ਵਿਪਿਨਗ੍ਗੇਨ ਗਚ੍ਛਨ੍ਤਂ, ਅਦ੍ਦਸਂ ਲੋਕਨਾਯਕਂ.

੨. ‘‘ਨਲ਼ਮਾਲਂ ਗਹੇਤ੍ਵਾਨ, ਨਿਕ੍ਖਮਨ੍ਤੋ ਚ ਤਾਵਦੇ;

ਤਤ੍ਥਦ੍ਦਸਾਸਿਂ ਸਮ੍ਬੁਦ੍ਧਂ, ਓਘਤਿਣ੍ਣਮਨਾਸਵਂ.

੩. ‘‘ਪਸਨ੍ਨਚਿਤ੍ਤੋ ਸੁਮਨੋ, ਨਲ਼ਮਾਲਮਪੂਜਯਿਂ;

ਦਕ੍ਖਿਣੇਯ੍ਯਂ ਮਹਾਵੀਰਂ, ਸਬ੍ਬਲੋਕਾਨੁਕਮ੍ਪਕਂ.

੪. ‘‘ਏਕਤਿਂਸੇ ਇਤੋ ਕਪ੍ਪੇ, ਯਂ ਮਾਲਮਭਿਰੋਪਯਿਂ [ਪੁਪ੍ਫਮਭਿਰੋਪਯਿਂ (ਸੀ. ਸ੍ਯਾ. ਪੀ.)];

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੫. ‘‘ਕਿਲੇਸਾ ਝਾਪਿਤਾ ਮਯ੍ਹਂ, ਭਵਾ ਸਬ੍ਬੇ ਸਮੂਹਤਾ;

ਨਾਗੋਵ ਬਨ੍ਧਨਂ ਛੇਤ੍ਵਾ, ਵਿਹਰਾਮਿ ਅਨਾਸਵੋ.

੬. ‘‘ਸ੍ਵਾਗਤਂ ਵਤ ਮੇ ਆਸਿ, ਮਮ ਬੁਦ੍ਧਸ੍ਸ ਸਨ੍ਤਿਕੇ;

ਤਿਸ੍ਸੋ ਵਿਜ੍ਜਾ ਅਨੁਪ੍ਪਤ੍ਤਾ, ਕਤਂ ਬੁਦ੍ਧਸ੍ਸ ਸਾਸਨਂ.

੭. ‘‘ਪਟਿਸਮ੍ਭਿਦਾ ਚਤਸ੍ਸੋ, ਵਿਮੋਕ੍ਖਾਪਿ ਚ ਅਟ੍ਠਿਮੇ;

ਛਲ਼ਭਿਞ੍ਞਾ ਸਚ੍ਛਿਕਤਾ, ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਨਲ਼ਮਾਲਿਯੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਨਲ਼ਮਾਲਿਯਤ੍ਥੇਰਸ੍ਸਾਪਦਾਨਂ ਪਠਮਂ.

੨. ਮਣਿਪੂਜਕਤ੍ਥੇਰਅਪਦਾਨਂ

੮. ‘‘ਪਦੁਮੁਤ੍ਤਰੋ ਨਾਮ ਜਿਨੋ, ਸਬ੍ਬਧਮ੍ਮਾਨ ਪਾਰਗੂ;

ਵਿਵੇਕਕਾਮੋ ਸਮ੍ਬੁਦ੍ਧੋ, ਗਚ੍ਛਤੇ ਅਨਿਲਞ੍ਜਸੇ.

੯. ‘‘ਅਵਿਦੂਰੇ ਹਿਮਵਨ੍ਤਸ੍ਸ, ਮਹਾਜਾਤਸ੍ਸਰੋ ਅਹੁ;

ਤਤ੍ਥ ਮੇ ਭਵਨਂ ਆਸਿ, ਪੁਞ੍ਞਕਮ੍ਮੇਨ ਸਂਯੁਤਂ.

੧੦. ‘‘ਭਵਨਾ ਅਭਿਨਿਕ੍ਖਮ੍ਮ, ਅਦ੍ਦਸਂ ਲੋਕਨਾਯਕਂ;

ਇਨ੍ਦੀਵਰਂਵ ਜਲਿਤਂ, ਆਦਿਤ੍ਤਂਵ ਹੁਤਾਸਨਂ.

੧੧. ‘‘ਵਿਚਿਨਂ ਨਦ੍ਦਸਂ ਪੁਪ੍ਫਂ, ਪੂਜਯਿਸ੍ਸਨ੍ਤਿ ਨਾਯਕਂ;

ਸਕਂ ਚਿਤ੍ਤਂ ਪਸਾਦੇਤ੍ਵਾ, ਅਵਨ੍ਦਿਂ ਸਤ੍ਥੁਨੋ ਅਹਂ.

੧੨. ‘‘ਮਮ ਸੀਸੇ ਮਣਿਂ ਗਯ੍ਹ, ਪੂਜਯਿਂ ਲੋਕਨਾਯਕਂ;

ਇਮਾਯ ਮਣਿਪੂਜਾਯ, ਵਿਪਾਕੋ ਹੋਤੁ ਭਦ੍ਦਕੋ.

੧੩. ‘‘ਪਦੁਮੁਤ੍ਤਰੋ ਲੋਕਵਿਦੂ, ਆਹੁਤੀਨਂ ਪਟਿਗ੍ਗਹੋ;

ਅਨ੍ਤਲਿਕ੍ਖੇ ਠਿਤੋ ਸਤ੍ਥਾ, ਇਮਂ ਗਾਥਂ ਅਭਾਸਥ.

੧੪. ‘ਸੋ ਤੇ ਇਜ੍ਝਤੁ ਸਙ੍ਕਪ੍ਪੋ, ਲਭਸ੍ਸੁ ਵਿਪੁਲਂ ਸੁਖਂ;

ਇਮਾਯ ਮਣਿਪੂਜਾਯ, ਅਨੁਭੋਹਿ ਮਹਾਯਸਂ’.

੧੫. ‘‘ਇਦਂ ਵਤ੍ਵਾਨ ਭਗਵਾ, ਜਲਜੁਤ੍ਤਮਨਾਮਕੋ;

ਅਗਮਾਸਿ ਬੁਦ੍ਧਸੇਟ੍ਠੋ, ਯਤ੍ਥ ਚਿਤ੍ਤਂ ਪਣੀਹਿਤਂ.

੧੬. ‘‘ਸਟ੍ਠਿਕਪ੍ਪਾਨਿ ਦੇਵਿਨ੍ਦੋ, ਦੇਵਰਜ੍ਜਮਕਾਰਯਿਂ;

ਅਨੇਕਸਤਕ੍ਖਤ੍ਤੁਞ੍ਚ, ਚਕ੍ਕਵਤ੍ਤੀ ਅਹੋਸਹਂ.

੧੭. ‘‘ਪੁਬ੍ਬਕਮ੍ਮਂ ਸਰਨ੍ਤਸ੍ਸ, ਦੇਵਭੂਤਸ੍ਸ ਮੇ ਸਤੋ;

ਮਣਿ ਨਿਬ੍ਬਤ੍ਤਤੇ ਮਯ੍ਹਂ, ਆਲੋਕਕਰਣੋ ਮਮਂ.

੧੮. ‘‘ਛਲ਼ਸੀਤਿਸਹਸ੍ਸਾਨਿ, ਨਾਰਿਯੋ ਮੇ ਪਰਿਗ੍ਗਹਾ;

ਵਿਚਿਤ੍ਤਵਤ੍ਥਾਭਰਣਾ, ਆਮੁਕ੍ਕਮਣਿਕੁਣ੍ਡਲਾ [ਆਮੁਤ੍ਤਮਣਿਕੁਣ੍ਡਲਾ (ਸੀ. ਸ੍ਯਾ. ਪੀ.)].

੧੯. ‘‘ਅਲ਼ਾਰਪਮ੍ਹਾ ਹਸੁਲਾ, ਸੁਸਞ੍ਞਾ ਤਨੁਮਜ੍ਝਿਮਾ;

ਪਰਿਵਾਰੇਨ੍ਤਿ ਮਂ ਨਿਚ੍ਚਂ, ਮਣਿਪੂਜਾਯਿਦਂ ਫਲਂ.

੨੦. ‘‘ਸੋਣ੍ਣਮਯਾ ਮਣਿਮਯਾ, ਲੋਹਿਤਙ੍ਗਮਯਾ ਤਥਾ;

ਭਣ੍ਡਾ ਮੇ ਸੁਕਤਾ ਹੋਨ੍ਤਿ, ਯਦਿਚ੍ਛਸਿ [ਯਦਿਚ੍ਛਾਯ (ਸੀ. ਪੀ.)] ਪਿਲ਼ਨ੍ਧਨਾ.

੨੧. ‘‘ਕੂਟਾਗਾਰਾ ਗਹਾਰਮ੍ਮਾ, ਸਯਨਞ੍ਚ ਮਹਾਰਹਂ;

ਮਮ ਸਙ੍ਕਪ੍ਪਮਞ੍ਞਾਯ, ਨਿਬ੍ਬਤ੍ਤਨ੍ਤਿ ਯਦਿਚ੍ਛਕਂ.

੨੨. ‘‘ਲਾਭਾ ਤੇਸਂ ਸੁਲਦ੍ਧਞ੍ਚ, ਯੇ ਲਭਨ੍ਤਿ ਉਪਸ੍ਸੁਤਿਂ;

ਪੁਞ੍ਞਕ੍ਖੇਤ੍ਤਂ ਮਨੁਸ੍ਸਾਨਂ, ਓਸਧਂ ਸਬ੍ਬਪਾਣਿਨਂ.

੨੩. ‘‘ਮਯ੍ਹਮ੍ਪਿ ਸੁਕਤਂ ਕਮ੍ਮਂ, ਯੋਹਂ ਅਦਕ੍ਖਿ ਨਾਯਕਂ;

ਵਿਨਿਪਾਤਾ ਪਮੁਤ੍ਤੋਮ੍ਹਿ, ਪਤ੍ਤੋਮ੍ਹਿ ਅਚਲਂ ਪਦਂ.

੨੪. ‘‘ਯਂ ਯਂ ਯੋਨੁਪਪਜ੍ਜਾਮਿ, ਦੇਵਤ੍ਤਂ ਅਥ ਮਾਨੁਸਂ;

ਦਿਵਸਞ੍ਚੇਵ ਰਤ੍ਤਿਞ੍ਚ [ਸਮਨ੍ਤਾ ਸਤ੍ਤਰਤਨਾ (ਸੀ. ਪੀ. ਕ.)], ਆਲੋਕੋ ਹੋਤਿ ਮੇ ਸਦਾ.

੨੫. ‘‘ਤਾਯੇਵ ਮਣਿਪੂਜਾਯ, ਅਨੁਭੋਤ੍ਵਾਨ ਸਮ੍ਪਦਾ;

ਞਾਣਾਲੋਕੋ ਮਯਾ ਦਿਟ੍ਠੋ, ਪਤ੍ਤੋਮ੍ਹਿ ਅਚਲਂ ਪਦਂ.

੨੬. ‘‘ਸਤਸਹਸ੍ਸਿਤੋ ਕਪ੍ਪੇ, ਯਂ ਮਣਿਂ ਅਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਮਣਿਪੂਜਾਯਿਦਂ ਫਲਂ.

੨੭. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੨੮. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੨੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਮਣਿਪੂਜਕੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਮਣਿਪੂਜਕਤ੍ਥੇਰਸ੍ਸਾਪਦਾਨਂ ਦੁਤਿਯਂ.

੩. ਉਕ੍ਕਾਸਤਿਕਤ੍ਥੇਰਅਪਦਾਨਂ

੩੦. ‘‘ਕੋਸਿਕੋ ਨਾਮ ਭਗਵਾ, ਚਿਤ੍ਤਕੂਟੇ ਵਸੀ ਤਦਾ;

ਝਾਯੀ ਝਾਨਰਤੋ ਬੁਦ੍ਧੋ, ਵਿਵੇਕਾਭਿਰਤੋ ਮੁਨਿ.

੩੧. ‘‘ਅਜ੍ਝੋਗਾਹੇਤ੍ਵਾ [ਅਜ੍ਝੋਗਹੇਤ੍ਵਾ (ਸੀ. ਸ੍ਯਾ. ਪੀ.)] ਹਿਮਵਨ੍ਤਂ, ਨਾਰੀਗਣਪੁਰਕ੍ਖਤੋ;

ਅਦ੍ਦਸਂ ਕੋਸਿਕਂ ਬੁਦ੍ਧਂ, ਪੁਣ੍ਣਮਾਯੇਵ ਚਨ੍ਦਿਮਂ.

੩੨. ‘‘ਉਕ੍ਕਾਸਤੇ ਗਹੇਤ੍ਵਾਨ, ਪਰਿਵਾਰੇਸਹਂ ਤਦਾ;

ਸਤ੍ਤਰਤ੍ਤਿਨ੍ਦਿਵਂ ਠਤ੍ਵਾ [ਬੁਦ੍ਧੋ (ਸ੍ਯਾ. ਕ.)], ਅਟ੍ਠਮੇਨ ਅਗਚ੍ਛਹਂ.

੩੩. ‘‘ਵੁਟ੍ਠਿਤਂ ਕੋਸਿਕਂ ਬੁਦ੍ਧਂ, ਸਯਮ੍ਭੁਂ ਅਪਰਾਜਿਤਂ;

ਪਸਨ੍ਨਚਿਤ੍ਤੋ ਵਨ੍ਦਿਤ੍ਵਾ, ਏਕਂ ਭਿਕ੍ਖਂ ਅਦਾਸਹਂ.

੩੪. ‘‘ਤੇਨ ਕਮ੍ਮੇਨ ਦ੍ਵਿਪਦਿਨ੍ਦ, ਲੋਕਜੇਟ੍ਠ ਨਰਾਸਭ;

ਉਪ੍ਪਜ੍ਜਿਂ ਤੁਸਿਤੇ ਕਾਯੇ, ਏਕਭਿਕ੍ਖਾਯਿਦਂ ਫਲਂ.

੩੫. ‘‘ਦਿਵਸਞ੍ਚੇਵ ਰਤ੍ਤਿਞ੍ਚ, ਆਲੋਕੋ ਹੋਤਿ ਮੇ ਸਦਾ;

ਸਮਨ੍ਤਾ ਯੋਜਨਸਤਂ, ਓਭਾਸੇਨ ਫਰਾਮਹਂ.

੩੬. ‘‘ਪਞ੍ਚਪਞ੍ਞਾਸਕਪ੍ਪਮ੍ਹਿ, ਚਕ੍ਕਵਤ੍ਤੀ ਅਹੋਸਹਂ;

ਚਾਤੁਰਨ੍ਤੋ ਵਿਜਿਤਾਵੀ, ਜਮ੍ਬੁਮਣ੍ਡਸ੍ਸ [ਜਮ੍ਬੁਸਣ੍ਡਸ੍ਸ (ਪੀ.)] ਇਸ੍ਸਰੋ.

੩੭. ‘‘ਤਦਾ ਮੇ ਨਗਰਂ ਆਸਿ, ਇਦ੍ਧਂ ਫੀਤਂ ਸੁਨਿਮ੍ਮਿਤਂ;

ਤਿਂਸਯੋਜਨਮਾਯਾਮਂ, ਵਿਤ੍ਥਾਰੇਨ ਚ ਵੀਸਤਿ.

੩੮. ‘‘ਸੋਭਣਂ ਨਾਮ ਨਗਰਂ, ਵਿਸ੍ਸਕਮ੍ਮੇਨ ਮਾਪਿਤਂ;

ਦਸਸਦ੍ਦਾਵਿਵਿਤ੍ਤਂ ਤਂ, ਸਮ੍ਮਤਾਲ਼ਸਮਾਹਿਤਂ.

੩੯. ‘‘ਨ ਤਮ੍ਹਿ ਨਗਰੇ ਅਤ੍ਥਿ, ਵਲ੍ਲਿਕਟ੍ਠਞ੍ਚ ਮਤ੍ਤਿਕਾ;

ਸਬ੍ਬਸੋਣ੍ਣਮਯਂਯੇਵ, ਜੋਤਤੇ ਨਿਚ੍ਚਕਾਲਿਕਂ.

੪੦. ‘‘ਚਤੁਪਾਕਾਰਪਰਿਕ੍ਖਿਤ੍ਤਂ, ਤਯੋ ਆਸੁਂ ਮਣਿਮਯਾ;

ਵੇਮਜ੍ਝੇ ਤਾਲਪਨ੍ਤੀ ਚ, ਵਿਸ੍ਸਕਮ੍ਮੇਨ ਮਾਪਿਤਾ.

੪੧. ‘‘ਦਸਸਹਸ੍ਸਪੋਕ੍ਖਰਞ੍ਞੋ, ਪਦੁਮੁਪ੍ਪਲਛਾਦਿਤਾ;

ਪੁਣ੍ਡਰੀਕੇਹਿ [ਪੁਣ੍ਡਰੀਕਾਦਿ (ਸ੍ਯਾ.)] ਸਞ੍ਛਨ੍ਨਾ, ਨਾਨਾਗਨ੍ਧਸਮੀਰਿਤਾ.

੪੨. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਉਕ੍ਕਂ ਧਾਰਯਿਂ ਅਹਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਉਕ੍ਕਧਾਰਸ੍ਸਿਦਂ ਫਲਂ.

੪੩. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੪੪. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੪੫. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਉਕ੍ਕਾਸਤਿਕੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਉਕ੍ਕਾਸਤਿਕਤ੍ਥੇਰਸ੍ਸਾਪਦਾਨਂ ਤਤਿਯਂ.

੪. ਸੁਮਨਬੀਜਨਿਯਤ੍ਥੇਰਅਪਦਾਨਂ

੪੬. ‘‘ਵਿਪਸ੍ਸਿਨੋ ਭਗਵਤੋ, ਬੋਧਿਯਾ ਪਾਦਪੁਤ੍ਤਮੇ;

ਸੁਮਨੋ ਬੀਜਨਿਂ ਗਯ੍ਹ, ਅਬੀਜਿਂ ਬੋਧਿਮੁਤ੍ਤਮਂ.

੪੭. ‘‘ਏਕਨਵੁਤਿਤੋ ਕਪ੍ਪੇ, ਅਬੀਜਿਂ ਬੋਧਿਮੁਤ੍ਤਮਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੀਜਨਾਯ ਇਦਂ ਫਲਂ.

੪੮. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੪੯. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੫੦. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਸੁਮਨਬੀਜਨਿਯੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਸੁਮਨਬੀਜਨਿਯਤ੍ਥੇਰਸ੍ਸਾਪਦਾਨਂ ਚਤੁਤ੍ਥਂ.

੫. ਕੁਮ੍ਮਾਸਦਾਯਕਤ੍ਥੇਰਅਪਦਾਨਂ

੫੧. ‘‘ਏਸਨਾਯ ਚਰਨ੍ਤਸ੍ਸ, ਵਿਪਸ੍ਸਿਸ੍ਸ ਮਹੇਸਿਨੋ;

ਰਿਤ੍ਤਕਂ ਪਤ੍ਤਂ ਦਿਸ੍ਵਾਨ, ਕੁਮ੍ਮਾਸਂ ਪੂਰਯਿਂ ਅਹਂ.

੫੨. ‘‘ਏਕਨਵੁਤਿਤੋ ਕਪ੍ਪੇ, ਯਂ ਭਿਕ੍ਖਂ ਅਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਕੁਮ੍ਮਾਸਸ੍ਸ ਇਦਂ ਫਲਂ.

੫੩. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੫੪. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੫੫. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਕੁਮ੍ਮਾਸਦਾਯਕੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਕੁਮ੍ਮਾਸਦਾਯਕਤ੍ਥੇਰਸ੍ਸਾਪਦਾਨਂ ਪਞ੍ਚਮਂ.

੬. ਕੁਸਟ੍ਠਕਦਾਯਕਤ੍ਥੇਰਅਪਦਾਨਂ

੫੬. ‘‘ਕਸ੍ਸਪਸ੍ਸ ਭਗਵਤੋ, ਬ੍ਰਾਹ੍ਮਣਸ੍ਸ ਵੁਸੀਮਤੋ;

ਪਸਨ੍ਨਚਿਤ੍ਤੋ ਸੁਮਨੋ, ਕੁਸਟ੍ਠਕਮਦਾਸਹਂ.

੫੭. ‘‘ਇਮਸ੍ਮਿਂਯੇਵ ਕਪ੍ਪਸ੍ਮਿਂ, ਕੁਸਟ੍ਠਕਮਦਾਸਹਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਕੁਸਟ੍ਠਕਸ੍ਸਿਦਂ ਫਲਂ.

੫੮. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੫੯. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੬੦. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਕੁਸਟ੍ਠਕਦਾਯਕੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਕੁਸਟ੍ਠਕਦਾਯਕਤ੍ਥੇਰਸ੍ਸਾਪਦਾਨਂ ਛਟ੍ਠਂ.

੭. ਗਿਰਿਪੁਨ੍ਨਾਗਿਯਤ੍ਥੇਰਅਪਦਾਨਂ

੬੧. ‘‘ਸੋਭਿਤੋ ਨਾਮ ਸਮ੍ਬੁਦ੍ਧੋ, ਚਿਤ੍ਤਕੂਟੇ ਵਸੀ ਤਦਾ;

ਗਹੇਤ੍ਵਾ ਗਿਰਿਪੁਨ੍ਨਾਗਂ, ਸਯਮ੍ਭੁਂ ਅਭਿਪੂਜਯਿਂ.

੬੨. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਬੁਦ੍ਧਮਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੬੩. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੬੪. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੬੫. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਗਿਰਿਪੁਨ੍ਨਾਗਿਯੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਗਿਰਿਪੁਨ੍ਨਾਗਿਯਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.

੮. ਵਲ੍ਲਿਕਾਰਫਲਦਾਯਕਤ੍ਥੇਰਅਪਦਾਨਂ

੬੬. ‘‘ਸੁਮਨੋ ਨਾਮ ਸਮ੍ਬੁਦ੍ਧੋ, ਤਕ੍ਕਰਾਯਂ ਵਸੀ ਤਦਾ;

ਵਲ੍ਲਿਕਾਰਫਲਂ ਗਯ੍ਹ, ਸਯਮ੍ਭੁਸ੍ਸ ਅਦਾਸਹਂ.

੬੭. ‘‘ਏਕਤਿਂਸੇ ਇਤੋ ਕਪ੍ਪੇ, ਯਂ ਫਲਂ ਅਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਫਲਦਾਨਸ੍ਸਿਦਂ ਫਲਂ.

੬੮. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੬੯. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੭੦. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਵਲ੍ਲਿਕਾਰਫਲਦਾਯਕੋ ਥੇਰੋ ਇਮਾ