੭. ਸੀਹਾਸਨਿਕਤ੍ਥੇਰਅਪਦਾਨਂ

੪੨. ‘‘ਪਦੁਮੁਤ੍ਤਰਸ੍ਸ ਭਗਵਤੋ, ਸਬ੍ਬਭੂਤਹਿਤੇਸਿਨੋ;

ਪਸਨ੍ਨਚਿਤ੍ਤੋ ਸੁਮਨੋ, ਸੀਹਾਸਨਮਦਾਸਹਂ.

੪੩. ‘‘ਦੇਵਲੋਕੇ ਮਨੁਸ੍ਸੇ ਵਾ, ਯਤ੍ਥ ਯਤ੍ਥ ਵਸਾਮਹਂ;

ਲਭਾਮਿ ਵਿਪੁਲਂ ਬ੍ਯਮ੍ਹਂ, ਸੀਹਾਸਨਸ੍ਸਿਦਂ ਫਲਂ.

੪੪. ‘‘ਸੋਣ੍ਣਮਯਾ ਰੂਪਿਮਯਾ, ਲੋਹਿਤਙ੍ਗਮਯਾ [ਲੋਹਿਤਙ੍ਕਮਯਾ (ਸੀ. ਸ੍ਯਾ. ਪੀ.)] ਬਹੂ;

ਮਣਿਮਯਾ ਚ ਪਲ੍ਲਙ੍ਕਾ, ਨਿਬ੍ਬਤ੍ਤਨ੍ਤਿ ਮਮਂ ਸਦਾ.

੪੫. ‘‘ਬੋਧਿਯਾ ਆਸਨਂ ਕਤ੍ਵਾ, ਜਲਜੁਤ੍ਤਮਨਾਮਿਨੋ;

ਉਚ੍ਚੇ ਕੁਲੇ ਪਜਾਯਾਮਿ, ਅਹੋ ਧਮ੍ਮਸੁਧਮ੍ਮਤਾ.

੪੬. ‘‘ਸਤਸਹਸ੍ਸਿਤੋ ਕਪ੍ਪੇ, ਸੀਹਾਸਨਮਕਾਸਹਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਸੀਹਾਸਨਸ੍ਸਿਦਂ ਫਲਂ.

੪੭. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੪੮. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੪੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਸੀਹਾਸਨਿਕੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਸੀਹਾਸਨਿਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.