੩. ਬਿਲ੍ਲਿਯਤ੍ਥੇਰਅਪਦਾਨਂ

੧੫. ‘‘ਚਨ੍ਦਭਾਗਾਨਦੀਤੀਰੇ, ਅਸ੍ਸਮੋ ਸੁਕਤੋ ਮਮ;

ਬਿਲ੍ਲਰੁਕ੍ਖੇਹਿ [ਬੇਲੁਵਰੁਕ੍ਖੇਹਿ (ਸ੍ਯਾ.)] ਆਕਿਣ੍ਣੋ, ਨਾਨਾਦੁਮਨਿਸੇਵਿਤੋ.

੧੬. ‘‘ਸੁਗਨ੍ਧਂ ਬੇਲੁਵਂ ਦਿਸ੍ਵਾ, ਬੁਦ੍ਧਸੇਟ੍ਠਮਨੁਸ੍ਸਰਿਂ;

ਖਾਰਿਭਾਰਂ ਪੂਰਯਿਤ੍ਵਾ, ਤੁਟ੍ਠੋ ਸਂਵਿਗ੍ਗਮਾਨਸੋ.

੧੭. ‘‘ਕਕੁਸਨ੍ਧਂ ਉਪਾਗਮ੍ਮ, ਬਿਲ੍ਲਪਕ੍ਕਮਦਾਸਹਂ;

ਪੁਞ੍ਞਕ੍ਖੇਤ੍ਤਸ੍ਸ ਵੀਰਸ੍ਸ, ਵਿਪ੍ਪਸਨ੍ਨੇਨ ਚੇਤਸਾ.

੧੮. ‘‘ਇਮਸ੍ਮਿਂਯੇਵ ਕਪ੍ਪਸ੍ਮਿਂ, ਯਂ ਫਲਮਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਫਲਦਾਨਸ੍ਸਿਦਂ ਫਲਂ.

੧੯. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੨੦. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੨੧. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਬਿਲ੍ਲਿਯੋ ਥੇਰੋ ਇਮਾ ਗਾਥਾਯੋ

ਅਭਾਸਿਤ੍ਥਾਤਿ.

ਬਿਲ੍ਲਿਯਤ੍ਥੇਰਸ੍ਸਾਪਦਾਨਂ ਤਤਿਯਂ.