੭. ਉਚ੍ਛਙ੍ਗਪੁਪ੍ਫਿਯਤ੍ਥੇਰਅਪਦਾਨਂ

੧੪੨. ‘‘ਨਗਰੇ ਬਨ੍ਧੁਮਤਿਯਾ, ਅਹੋਸਿਂ ਮਾਲਿਕੋ ਤਦਾ;

ਉਚ੍ਛਙ੍ਗਂ ਪੂਰਯਿਤ੍ਵਾਨ, ਅਗਮਂ ਅਨ੍ਤਰਾਪਣਂ.

੧੪੩. ‘‘ਭਗਵਾ ਤਮ੍ਹਿ ਸਮਯੇ, ਭਿਕ੍ਖੁਸਙ੍ਘਪੁਰਕ੍ਖਤੋ;

ਮਹਤਾ ਆਨੁਭਾਵੇਨ, ਨਿਯ੍ਯਾਤਿ ਲੋਕਨਾਯਕੋ.

੧੪੪. ‘‘ਦਿਸ੍ਵਾਨ ਲੋਕਪਜ੍ਜੋਤਂ, ਵਿਪਸ੍ਸਿਂ ਲੋਕਤਾਰਣਂ;

ਪੁਪ੍ਫਂ ਪਗ੍ਗਯ੍ਹ ਉਚ੍ਛਙ੍ਗਾ, ਬੁਦ੍ਧਸੇਟ੍ਠਂ ਅਪੂਜਯਿਂ.

੧੪੫. ‘‘ਏਕਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੧੪੬. ‘‘ਕਿਲੇਸਾ ਝਾਪਿਤਾ ਮਯ੍ਹਂ…ਪੇ… ਵਿਹਰਾਮਿ ਅਨਾਸਵੋ.

੧੪੭. ‘‘ਸ੍ਵਾਗਤਂ ਵਤ ਮੇ ਆਸਿ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ.

੧੪੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਉਚ੍ਛਙ੍ਗਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਉਚ੍ਛਙ੍ਗਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.