੯. ਧਮ੍ਮਚਕ੍ਕਿਕਤ੍ਥੇਰਅਪਦਾਨਂ

੧੦੨. ‘‘ਸਿਦ੍ਧਤ੍ਥਸ੍ਸ ਭਗਵਤੋ, ਸੀਹਾਸਨਸ੍ਸ ਸਮ੍ਮੁਖਾ;

ਧਮ੍ਮਚਕ੍ਕਂ ਮੇ ਠਪਿਤਂ, ਸੁਕਤਂ ਵਿਞ੍ਞੁਵਣ੍ਣਿਤਂ.

੧੦੩. ‘‘ਚਾਰੁਵਣ੍ਣੋਵ ਸੋਭਾਮਿ, ਸਯੋਗ੍ਗਬਲਵਾਹਨੋ;

ਪਰਿਵਾਰੇਨ੍ਤਿ ਮਂ ਨਿਚ੍ਚਂ, ਅਨੁਯਨ੍ਤਾ ਬਹੁਜ੍ਜਨਾ.

੧੦੪. ‘‘ਸਟ੍ਠਿਤੂਰਿਯਸਹਸ੍ਸੇਹਿ, ਪਰਿਚਾਰੇਮਹਂ ਸਦਾ;

ਪਰਿਵਾਰੇਨ ਸੋਭਾਮਿ, ਪੁਞ੍ਞਕਮ੍ਮਸ੍ਸਿਦਂ ਫਲਂ.

੧੦੫. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਚਕ੍ਕਂ ਠਪਯਿਂ ਅਹਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਧਮ੍ਮਚਕ੍ਕਸ੍ਸਿਦਂ ਫਲਂ.

੧੦੬. ‘‘ਇਤੋ ਏਕਾਦਸੇ ਕਪ੍ਪੇ, ਅਟ੍ਠਾਸਿਂਸੁ ਜਨਾਧਿਪਾ;

ਸਹਸ੍ਸਰਾਜਨਾਮੇਨ, ਚਕ੍ਕਵਤ੍ਤੀ ਮਹਬ੍ਬਲਾ.

੧੦੭. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਧਮ੍ਮਚਕ੍ਕਿਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਧਮ੍ਮਚਕ੍ਕਿਕਤ੍ਥੇਰਸ੍ਸਾਪਦਾਨਂ ਨਵਮਂ.