੪. ਕੇਸਰਪੁਪ੍ਫਿਯਤ੍ਥੇਰਅਪਦਾਨਂ

੧੨. ‘‘ਵਿਜ੍ਜਾਧਰੋ ਤਦਾ ਆਸਿਂ, ਹਿਮਵਨ੍ਤਮ੍ਹਿ ਪਬ੍ਬਤੇ;

ਅਦ੍ਦਸਂ ਵਿਰਜਂ ਬੁਦ੍ਧਂ, ਚਙ੍ਕਮਨ੍ਤਂ ਮਹਾਯਸਂ.

੧੩. ‘‘ਤੀਣਿ ਕੇਸਰਪੁਪ੍ਫਾਨਿ [ਕੇਸਰਿਪੁਪ੍ਫਾਨਿ (ਸੀ.)], ਸੀਸੇ ਕਤ੍ਵਾਨਹਂ ਤਦਾ;

ਉਪਸਙ੍ਕਮ੍ਮ ਸਮ੍ਬੁਦ੍ਧਂ, ਵੇਸ੍ਸਭੁਂ ਅਭਿਪੂਜਯਿਂ.

੧੪. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੧੫. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਕੇਸਰਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਕੇਸਰਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਚਤੁਤ੍ਥਂ.