੮. ਆਲੁਵਦਾਯਕਤ੍ਥੇਰਅਪਦਾਨਂ

੩੧. ‘‘ਪਬ੍ਬਤੇ ਹਿਮਵਨ੍ਤਮ੍ਹਿ, ਮਹਾਸਿਨ੍ਧੁ ਸੁਦਸ੍ਸਨਾ;

ਤਤ੍ਥਦ੍ਦਸਂ ਵੀਤਰਾਗਂ, ਸੁਪ੍ਪਭਾਸਂ ਸੁਦਸ੍ਸਨਂ.

੩੨. ‘‘ਪਰਮੋਪਸਮੇ ਯੁਤ੍ਤਂ, ਦਿਸ੍ਵਾ ਵਿਮ੍ਹਿਤਮਾਨਸੋ;

ਆਲੁਵਂ ਤਸ੍ਸ ਪਾਦਾਸਿਂ, ਪਸਨ੍ਨੋ ਸੇਹਿ ਪਾਣਿਭਿ.

੩੩. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਫਲਮਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਆਲੁਵਸ੍ਸ ਇਦਂ ਫਲਂ.

੩੪. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਆਲੁਵਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਆਲੁਵਦਾਯਕਤ੍ਥੇਰਸ੍ਸਾਪਦਾਨਂ ਅਟ੍ਠਮਂ.