੭. ਮਞ੍ਜਰਿਪੂਜਕਤ੍ਥੇਰਅਪਦਾਨਂ

੨੩. ‘‘ਮਞ੍ਜਰਿਕਂ ਕਰਿਤ੍ਵਾਨ, ਰਥਿਯਂ ਪਟਿਪਜ੍ਜਹਂ;

ਅਦ੍ਦਸਂ ਸਮਣਾਨਗ੍ਗਂ, ਭਿਕ੍ਖੁਸਙ੍ਘਪੁਰਕ੍ਖਤਂ.

੨੪. ‘‘ਪਸਨ੍ਨਚਿਤ੍ਤੋ ਸੁਮਨੋ, ਪਰਮਾਯ ਚ ਪੀਤਿਯਾ;

ਉਭੋ ਹਤ੍ਥੇਹਿ ਪਗ੍ਗਯ੍ਹ, ਬੁਦ੍ਧਸ੍ਸ ਅਭਿਰੋਪਯਿਂ.

੨੫. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਪੁਪ੍ਫਪੂਜਾਯਿਦਂ ਫਲਂ.

੨੬. ‘‘ਇਤੋ ਤੇਸਤ੍ਤਤਿਕਪ੍ਪੇ, ਏਕੋ ਆਸਿਂ ਮਹੀਪਤਿ;

ਜੋਤਿਯੋ ਨਾਮ ਨਾਮੇਨ, ਚਕ੍ਕਵਤ੍ਤੀ ਮਹਬ੍ਬਲੋ.

੨੭. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਮਞ੍ਜਰਿਪੂਜਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਮਞ੍ਜਰਿਪੂਜਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.