੭. ਧਾਤੁਪੂਜਕਤ੍ਥੇਰਅਪਦਾਨਂ

੨੩. ‘‘ਨਿਬ੍ਬੁਤੇ ਲੋਕਨਾਥਮ੍ਹਿ, ਸਿਦ੍ਧਤ੍ਥਮ੍ਹਿ ਨਰੁਤ੍ਤਮੇ;

ਏਕਾ ਧਾਤੁ ਮਯਾ ਲਦ੍ਧਾ, ਦ੍ਵਿਪਦਿਨ੍ਦਸ੍ਸ ਤਾਦਿਨੋ.

੨੪. ‘‘ਤਾਹਂ ਧਾਤੁਂ ਗਹੇਤ੍ਵਾਨ, ਬੁਦ੍ਧਸ੍ਸਾਦਿਚ੍ਚਬਨ੍ਧੁਨੋ;

ਪਞ੍ਚਵਸ੍ਸੇ ਪਰਿਚਰਿਂ, ਤਿਟ੍ਠਨ੍ਤਂਵ ਨਰੁਤ੍ਤਮਂ.

੨੫. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਧਾਤੁਂ ਪੂਜਯਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਧਾਤੁਪਟ੍ਠਹਨੇ ਫਲਂ.

੨੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਧਾਤੁਪੂਜਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਧਾਤੁਪੂਜਕਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.