੨੪. ਉਦਕਾਸਨਵਗ੍ਗੋ
੧. ਉਦਕਾਸਨਦਾਯਕਤ੍ਥੇਰਅਪਦਾਨਂ
੧. ‘‘ਆਰਾਮਦ੍ਵਾਰਾ ਨਿਕ੍ਖਮ੍ਮ, ਫਲਕਂ ਸਨ੍ਥਰਿਂ ਅਹਂ;
ਉਦਕਞ੍ਚ ਉਪਟ੍ਠਾਸਿਂ, ਉਤ੍ਤਮਤ੍ਥਸ੍ਸ ਪਤ੍ਤਿਯਾ.
੨. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਆਸਨੇ ਚੋਦਕੇ ਫਲਂ.
੩. ‘‘ਇਤੋ ਪਨ੍ਨਰਸੇ ਕਪ੍ਪੇ, ਅਭਿਸਾਮਸਮਵ੍ਹਯੋ;
ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕਵਤ੍ਤੀ ਮਹਬ੍ਬਲੋ.
੪. ‘‘ਪਟਿਸਮ੍ਭਿਦਾ ਚਤਸ੍ਸੋ, ਵਿਮੋਕ੍ਖਾਪਿ ਚ ਅਟ੍ਠਿਮੇ;
ਛਲ਼ਭਿਞ੍ਞਾ ਸਚ੍ਛਿਕਤਾ, ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਉਦਕਾਸਨਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਉਦਕਾਸਨਦਾਯਕਤ੍ਥੇਰਸ੍ਸਾਪਦਾਨਂ ਪਠਮਂ.
੨. ਭਾਜਨਪਾਲਕਤ੍ਥੇਰਅਪਦਾਨਂ
੫. ‘‘ਨਗਰੇ ਬਨ੍ਧੁਮਤਿਯਾ, ਕੁਮ੍ਭਕਾਰੋ ਅਹਂ ਤਦਾ;
ਭਾਜਨਂ ਅਨੁਪਾਲੇਸਿਂ, ਭਿਕ੍ਖੁਸਙ੍ਘਸ੍ਸ ਤਾਵਦੇ.
੬. ‘‘ਏਕਨਵੁਤਿਤੋ ਕਪ੍ਪੇ, ਭਾਜਨਂ ਅਨੁਪਾਲਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਭਾਜਨਸ੍ਸ ਇਦਂ ਫਲਂ.
੭. ‘‘ਤੇਪਞ੍ਞਾਸੇ ਇਤੋ ਕਪ੍ਪੇ, ਅਨਨ੍ਤਜਾਲਿਨਾਮਕੋ;
ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕਵਤ੍ਤੀ ਮਹਬ੍ਬਲੋ.
੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਭਾਜਨਪਾਲਕੋ [ਭਾਜਨਦਾਯਕੋ (ਸੀ. ਸ੍ਯਾ.)] ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਭਾਜਨਪਾਲਕਤ੍ਥੇਰਸ੍ਸਾਪਦਾਨਂ ਦੁਤਿਯਂ.
੩. ਸਾਲਪੁਪ੍ਫਿਯਤ੍ਥੇਰਅਪਦਾਨਂ
੯. ‘‘ਅਰੁਣਵਤਿਯਾ ਨਗਰੇ, ਅਹੋਸਿਂ ਪੂਪਿਕੋ ਤਦਾ;
ਮਮ ਦ੍ਵਾਰੇਨ ਗਚ੍ਛਨ੍ਤਂ, ਸਿਖਿਨਂ ਅਦ੍ਦਸਂ ਜਿਨਂ.
੧੦. ‘‘ਬੁਦ੍ਧਸ੍ਸ ਪਤ੍ਤਂ ਪਗ੍ਗਯ੍ਹ, ਸਾਲਪੁਪ੍ਫਂ ਅਦਾਸਹਂ;
ਸਮ੍ਮਗ੍ਗਤਸ੍ਸ ਬੁਦ੍ਧਸ੍ਸ, ਵਿਪ੍ਪਸਨ੍ਨੇਨ ਚੇਤਸਾ.
੧੧. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਪੁਪ੍ਫਮਭਿਦਾਸਹਂ [ਯਂ ਖਜ੍ਜਕਮਦਾਸਹਂ (ਸੀ.), ਯਂ ਖਜ੍ਜਮਭਿਦਾਸਹਂ (ਕ.) ਸਾਲਪੁਪ੍ਫਨਾਮਕਂ ਖਜ੍ਜਕਂ ਵਾ ਭਵੇਯ੍ਯ];
ਦੁਗ੍ਗਤਿਂ ਨਾਭਿਜਾਨਾਮਿ, ਸਾਲਪੁਪ੍ਫਸ੍ਸਿਦਂ ਫਲਂ.
੧੨. ‘‘ਇਤੋ ਚੁਦ੍ਦਸਕਪ੍ਪਮ੍ਹਿ, ਅਹੋਸਿਂ ਅਮਿਤਞ੍ਜਲੋ;
ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕਵਤ੍ਤੀ ਮਹਬ੍ਬਲੋ.
੧੩. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਸਾਲਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਸਾਲਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਤਤਿਯਂ.
੪. ਕਿਲਞ੍ਜਦਾਯਕਤ੍ਥੇਰਅਪਦਾਨਂ
੧੪. ‘‘ਤਿਵਰਾਯਂ ਪੁਰੇ ਰਮ੍ਮੇ, ਨਲ਼ਕਾਰੋ ਅਹਂ ਤਦਾ;
ਸਿਦ੍ਧਤ੍ਥੇ ਲੋਕਪਜ੍ਜੋਤੇ, ਪਸਨ੍ਨਾ ਜਨਤਾ ਤਹਿਂ.
੧੫. ‘‘ਪੂਜਤ੍ਥਂ ਲੋਕਨਾਥਸ੍ਸ, ਕਿਲਞ੍ਜਂ ਪਰਿਯੇਸਤਿ;
ਬੁਦ੍ਧਪੂਜਂ ਕਰੋਨ੍ਤਾਨਂ, ਕਿਲਞ੍ਜਂ ਅਦਦਿਂ ਅਹਂ.
੧੬. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਕਿਲਞ੍ਜਸ੍ਸ ਇਦਂ ਫਲਂ.
੧੭. ‘‘ਸਤ੍ਤਸਤ੍ਤਤਿਕਪ੍ਪਮ੍ਹਿ, ਰਾਜਾ ਆਸਿਂ ਜਲਦ੍ਧਰੋ [ਜੁਤਿਨ੍ਧਰੋ (ਸੀ.)];
ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕਵਤ੍ਤੀ ਮਹਬ੍ਬਲੋ.
੧੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਕਿਲਞ੍ਜਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਕਿਲਞ੍ਜਦਾਯਕਤ੍ਥੇਰਸ੍ਸਾਪਦਾਨਂ ਚਤੁਤ੍ਥਂ.
੫. ਵੇਦਿਕਾਰਕਤ੍ਥੇਰਅਪਦਾਨਂ
੧੯. ‘‘ਵਿਪਸ੍ਸਿਨੋ ਭਗਵਤੋ, ਬੋਧਿਯਾ ਪਾਦਪੁਤ੍ਤਮੇ;
ਪਸਨ੍ਨਚਿਤ੍ਤੋ ਸੁਮਨੋ, ਕਾਰੇਸਿਂ ਵੇਦਿਕਂ ਅਹਂ.
੨੦. ‘‘ਏਕਨਵੁਤਿਤੋ ਕਪ੍ਪੇ, ਕਾਰੇਸਿਂ ਵੇਦਿਕਂ ਅਹਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਵੇਦਿਕਾਯ ਇਦਂ ਫਲਂ.
੨੧. ‘‘ਇਤੋ ਏਕਾਦਸੇ ਕਪ੍ਪੇ, ਅਹੋਸਿਂ ਸੂਰਿਯਸ੍ਸਮੋ;
ਸਤ੍ਤਰਤ੍ਤਨਸਮ੍ਪਨ੍ਨੋ, ਚਕ੍ਕਵਤ੍ਤੀ ਮਹਬ੍ਬਲੋ.
੨੨. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਵੇਦਿਕਾਰਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਵੇਦਿਕਾਰਕਤ੍ਥੇਰਸ੍ਸਾਪਦਾਨਂ ਪਞ੍ਚਮਂ.
੬. ਵਣ੍ਣਕਾਰਤ੍ਥੇਰਅਪਦਾਨਂ
੨੩. ‘‘ਨਗਰੇ ਅਰੁਣਵਤਿਯਾ, ਵਣ੍ਣਕਾਰੋ ਅਹਂ ਤਦਾ;
ਚੇਤਿਯੇ ਦੁਸ੍ਸਭਣ੍ਡਾਨਿ, ਨਾਨਾਵਣ੍ਣਂ ਰਜੇਸਹਂ [ਰਜਿਂ ਅਹਂ (ਕ.), ਰਜੇਮਹਂ (ਸ੍ਯਾ.)].
੨੪. ‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਵਣ੍ਣਂ ਰਜਯਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਵਣ੍ਣਦਾਨਸ੍ਸਿਦਂ ਫਲਂ.
੨੫. ‘‘ਇਤੋ ਤੇਵੀਸਤਿਕਪ੍ਪੇ, ਵਣ੍ਣਸਮ [ਚਨ੍ਦੁਪਮ (ਸੀ.), ਚਨ੍ਦਸਮ (ਸ੍ਯਾ.)] ਸਨਾਮਕੋ;
ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕਵਤ੍ਤੀ ਮਹਬ੍ਬਲੋ.
੨੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਵਣ੍ਣਕਾਰੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਵਣ੍ਣਕਾਰਤ੍ਥੇਰਸ੍ਸਾਪਦਾਨਂ ਛਟ੍ਠਂ.
੭. ਪਿਯਾਲਪੁਪ੍ਫਿਯਤ੍ਥੇਰਅਪਦਾਨਂ
੨੭. ‘‘ਮਿਗਲੁਦ੍ਦੋ ਪੁਰੇ ਆਸਿਂ, ਅਰਞ੍ਞੇ ਕਾਨਨੇ ਅਹਂ;
ਪਿਯਾਲਂ ਪੁਪ੍ਫਿਤਂ ਦਿਸ੍ਵਾ, ਗਤਮਗ੍ਗੇ ਖਿਪਿਂ ਅਹਂ.
੨੮. ‘‘ਏਕਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;
ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.
੨੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਪਿਯਾਲਪੁਪ੍ਫਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਪਿਯਾਲਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਸਤ੍ਤਮਂ.
੮. ਅਮ੍ਬਯਾਗਦਾਯਕਤ੍ਥੇਰਅਪਦਾਨਂ
੩੦. ‘‘ਸਕੇ ਸਿਪ੍ਪੇ ਅਪਤ੍ਥਦ੍ਧੋ, ਅਗਮਂ ਕਾਨਨਂ ਅਹਂ;
ਸਮ੍ਬੁਦ੍ਧਂ ਯਨ੍ਤਂ ਦਿਸ੍ਵਾਨ, ਅਮ੍ਬਯਾਗਂ ਅਦਾਸਹਂ.
੩੧. ‘‘ਏਕਨਵੁਤਿਤੋ ਕਪ੍ਪੇ, ਯਂ ਦਾਨਮਦਦਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਅਮ੍ਬਯਾਗਸ੍ਸਿਦਂ ਫਲਂ.
੩੨. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਅਮ੍ਬਯਾਗਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਅਮ੍ਬਯਾਗਦਾਯਕਤ੍ਥੇਰਸ੍ਸਾਪਦਾਨਂ ਅਟ੍ਠਮਂ.
੯. ਜਗਤਿਕਾਰਕਤ੍ਥੇਰਅਪਦਾਨਂ
੩੩. ‘‘ਨਿਬ੍ਬੁਤੇ ਲੋਕਨਾਥਮ੍ਹਿ, ਅਤ੍ਥਦਸ੍ਸਿ ਨਰੁਤ੍ਤਮੇ;
ਜਗਤੀ ਕਾਰਿਤਾ ਮਯ੍ਹਂ, ਬੁਦ੍ਧਸ੍ਸ ਥੂਪਮੁਤ੍ਤਮੇ.
੩੪. ‘‘ਅਟ੍ਠਾਰਸੇ ਕਪ੍ਪਸਤੇ, ਯਂ ਕਮ੍ਮਮਕਰਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਜਗਤਿਯਾ ਇਦਂ ਫਲਂ.
੩੫. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਜਗਤਿਕਾਰਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਜਗਤਿਕਾਰਕਤ੍ਥੇਰਸ੍ਸਾਪਦਾਨਂ ਨਵਮਂ.
੧੦. ਵਾਸਿਦਾਯਕਤ੍ਥੇਰਅਪਦਾਨਂ
੩੬. ‘‘ਕਮ੍ਮਾਰੋਹਂ ਪੁਰੇ ਆਸਿਂ, ਤਿਵਰਾਯਂ ਪੁਰੁਤ੍ਤਮੇ;
ਏਕਾ ਵਾਸਿ ਮਯਾ ਦਿਨ੍ਨਾ, ਸਯਮ੍ਭੁਂ ਅਪਰਾਜਿਤਂ [ਸਯਮ੍ਭੁਮ੍ਹਿਪਰਾਜਿਤੇ (?)].
੩੭. ‘‘ਚਤੁਨ੍ਨਵੁਤਿਤੋ ਕਪ੍ਪੇ, ਯਂ ਵਾਸਿਮਦਦਿਂ ਤਦਾ;
ਦੁਗ੍ਗਤਿਂ ਨਾਭਿਜਾਨਾਮਿ, ਵਾਸਿਦਾਨਸ੍ਸਿਦਂ ਫਲਂ.
੩੮. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.
ਇਤ੍ਥਂ ਸੁਦਂ ਆਯਸ੍ਮਾ ਵਾਸਿਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.
ਵਾਸਿਦਾਯਕਤ੍ਥੇਰਸ੍ਸਾਪਦਾਨਂ ਦਸਮਂ.
ਉਦਕਾਸਨਵਗ੍ਗੋ ਚਤੁਵੀਸਤਿਮੋ.