੧੦. ਪਾਪਨਿਵਾਰਿਯਤ੍ਥੇਰਅਪਦਾਨਂ

੪੪. ‘‘ਤਿਸ੍ਸਸ੍ਸ ਤੁ ਭਗਵਤੋ, ਦੇਵਦੇਵਸ੍ਸ ਤਾਦਿਨੋ;

ਏਕਚ੍ਛਤ੍ਤਂ ਮਯਾ ਦਿਨ੍ਨਂ, ਵਿਪ੍ਪਸਨ੍ਨੇਨ ਚੇਤਸਾ.

੪੫. ‘‘ਨਿਵੁਤਂ ਹੋਤਿ ਮੇ ਪਾਪਂ, ਕੁਸਲਸ੍ਸੁਪਸਮ੍ਪਦਾ;

ਆਕਾਸੇ ਛਤ੍ਤਂ ਧਾਰੇਨ੍ਤਿ, ਪੁਬ੍ਬਕਮ੍ਮਸ੍ਸਿਦਂ ਫਲਂ.

੪੬. ‘‘ਚਰਿਮਂ ਵਤ੍ਤਤੇ ਮਯ੍ਹਂ, ਭਵਾ ਸਬ੍ਬੇ ਸਮੂਹਤਾ;

ਧਾਰੇਮਿ ਅਨ੍ਤਿਮਂ ਦੇਹਂ, ਸਮ੍ਮਾਸਮ੍ਬੁਦ੍ਧਸਾਸਨੇ.

੪੭. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਛਤ੍ਤਮਦਦਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਛਤ੍ਤਦਾਨਸ੍ਸਿਦਂ ਫਲਂ.

੪੮. ‘‘ਦ੍ਵੇਸਤ੍ਤਤਿਮ੍ਹਿਤੋ ਕਪ੍ਪੇ, ਅਟ੍ਠਾਸਿਂਸੁ ਜਨਾਧਿਪਾ;

ਮਹਾਨਿਦਾਨਨਾਮੇਨ, ਰਾਜਾਨੋ ਚਕ੍ਕਵਤ੍ਤਿਨੋ.

੪੯. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਪਾਪਨਿਵਾਰਿਯੋ [ਵਾਤਾਤਪਨਿਵਾਰਿਯੋ (ਸੀ.)] ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ;

ਪਾਪਨਿਵਾਰਿਯਤ੍ਥੇਰਸ੍ਸਾਪਦਾਨਂ ਦਸਮਂ.

ਕਣਿਕਾਰਪੁਪ੍ਫਿਯਵਗ੍ਗੋ ਏਕਵੀਸਤਿਮੋ.