੩. ਖਣ੍ਡਪੁਲ੍ਲਿਯਤ੍ਥੇਰਅਪਦਾਨਂ

੧੨. ‘‘ਫੁਸ੍ਸਸ੍ਸ ਖੋ ਭਗਵਤੋ, ਥੂਪੋ ਆਸਿ ਮਹਾਵਨੇ;

ਕੁਞ੍ਜਰੇਹਿ ਤਦਾ ਭਿਨ੍ਨੋ, ਪਰੂਲ਼੍ਹੋ ਪਾਦਪੋ [ਪਰੂਲ਼੍ਹਪਾਦਪੋ (ਸੀ.), ਸਂਰੂਲ਼੍ਹੋ ਪਾਦਪੋ (ਸ੍ਯਾ.)] ਤਹਿਂ.

੧੩. ‘‘ਵਿਸਮਞ੍ਚ ਸਮਂ ਕਤ੍ਵਾ, ਸੁਧਾਪਿਣ੍ਡਂ ਅਦਾਸਹਂ;

ਤਿਲੋਕਗਰੁਨੋ ਤਸ੍ਸ, ਗੁਣੇਹਿ ਪਰਿਤੋਸਿਤੋ [ਪਰਿਤੋ ਸੁਤੋ (ਕ.)].

੧੪. ‘‘ਦ੍ਵੇਨਵੁਤੇ ਇਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ;

ਦੁਗ੍ਗਤਿਂ ਨਾਭਿਜਾਨਾਮਿ, ਸੁਧਾਪਿਣ੍ਡਸ੍ਸਿਦਂ ਫਲਂ.

੧੫. ‘‘ਸਤ੍ਤਸਤ੍ਤਤਿਕਪ੍ਪਮ੍ਹਿ, ਜਿਤਸੇਨਾਸੁਂ ਸੋਲ਼ਸ;

ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.

੧੬. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਖਣ੍ਡਫੁਲ੍ਲਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਖਣ੍ਡਪੁਲ੍ਲਿਯਤ੍ਥੇਰਸ੍ਸਾਪਦਾਨਂ ਤਤਿਯਂ.