੮. ਤਿਕਣ੍ਣਿਪੁਪ੍ਫਿਯਤ੍ਥੇਰਅਪਦਾਨਂ

੪੬. ‘‘ਦੇਵਭੂਤੋ ਅਹਂ ਸਨ੍ਤੋ, ਅਚ੍ਛਰਾਹਿ ਪੁਰਕ੍ਖਤੋ;

ਪੁਬ੍ਬਕਮ੍ਮਂ ਸਰਿਤ੍ਵਾਨ, ਬੁਦ੍ਧਸੇਟ੍ਠਂ ਅਨੁਸ੍ਸਰਿਂ.

੪੭. ‘‘ਤਿਕਣ੍ਣਿਪੁਪ੍ਫਂ [ਕਿਂਕਣਿਪੁਪ੍ਫਂ (ਕ.)] ਪਗ੍ਗਯ੍ਹ, ਸਕਂ ਚਿਤ੍ਤਂ ਪਸਾਦਯਿਂ;

ਬੁਦ੍ਧਮ੍ਹਿ ਅਭਿਰੋਪੇਸਿਂ, ਵਿਪਸ੍ਸਿਮ੍ਹਿ ਨਰਾਸਭੇ.

੪੮. ‘‘ਏਕਨਵੁਤਿਤੋ ਕਪ੍ਪੇ, ਯਂ ਪੁਪ੍ਫਮਭਿਪੂਜਯਿਂ;

ਦੁਗ੍ਗਤਿਂ ਨਾਭਿਜਾਨਾਮਿ, ਬੁਦ੍ਧਪੂਜਾਯਿਦਂ ਫਲਂ.

੪੯. ‘‘ਤੇਸਤ੍ਤਤਿਮ੍ਹਿਤੋ ਕਪ੍ਪੇ, ਚਤੁਰਾਸੁਂ ਰਮੁਤ੍ਤਮਾ;

ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕਵਤ੍ਤੀ ਮਹਬ੍ਬਲਾ.

੫੦. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਤਿਕਣ੍ਣਿਪੁਪ੍ਫਿਯੋ [ਕਿਂਕਣਿਕਪੁਪ੍ਫਿਯੋ (ਕ.)] ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਤਿਕਣ੍ਣਿਪੁਪ੍ਫਿਯਤ੍ਥੇਰਸ੍ਸਾਪਦਾਨਂ ਅਟ੍ਠਮਂ.