੬. ਬੋਧਿਉਪਟ੍ਠਾਕਤ੍ਥੇਰਅਪਦਾਨਂ

੩੦. ‘‘ਨਗਰੇ ਰਮ੍ਮਵਤਿਯਾ, ਆਸਿਂ ਮੁਰਜਵਾਦਕੋ;

ਨਿਚ੍ਚੁਪਟ੍ਠਾਨਯੁਤ੍ਤੋਮ੍ਹਿ, ਗਤੋਹਂ ਬੋਧਿਮੁਤ੍ਤਮਂ.

੩੧. ‘‘ਸਾਯਂ ਪਾਤਂ ਉਪਟ੍ਠਿਤ੍ਵਾ, ਸੁਕ੍ਕਮੂਲੇਨ ਚੋਦਿਤੋ;

ਅਟ੍ਠਾਰਸਕਪ੍ਪਸਤੇ, ਦੁਗ੍ਗਤਿਂ ਨੁਪਪਜ੍ਜਹਂ.

੩੨. ‘‘ਪਨ੍ਨਰਸੇ ਕਪ੍ਪਸਤੇ, ਇਤੋ ਆਸਿਂ ਜਨਾਧਿਪੋ;

ਮੁਰਜੋ [ਦਮਥੋ (ਸ੍ਯਾ.)] ਨਾਮ ਨਾਮੇਨ, ਚਕ੍ਕਵਤ੍ਤੀ ਮਹਬ੍ਬਲੋ.

੩੩. ‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ… ਕਤਂ ਬੁਦ੍ਧਸ੍ਸ ਸਾਸਨਂ’’.

ਇਤ੍ਥਂ ਸੁਦਂ ਆਯਸ੍ਮਾ ਬੋਧਿਉਪਟ੍ਠਾਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ.

ਬੋਧਿਉਪਟ੍ਠਾਕਤ੍ਥੇਰਸ੍ਸਾਪਦਾਨਂ ਛਟ੍ਠਂ.